پاکستان مسلم لیگ عوامی کے سربراہ شیخ رشید احمد نے کہا ہے کہ 9 مئی کی غیر جانبدار تحقیقات کرائی جائیں اور ذمے داروں کو سخت سزا دی جائے۔
پاکستان مسلم لیگ عوامی کے سربراہ سینئر سیاستدان شیخ رشید احمد نے سماجی رابطوں کی ویب سائٹ ٹوئٹر پر اظہار خیال کرتے ہوئے اداروں سے درخواست کی ہے کہ 9 مئی واقعات کی غیر جانبدار تحقیقات کرائی جائیں۔ کس کے کہنے پر پولیس خواب خرگوش سوئی رہی اس کی بھی تحقیقات ہونی چاہیے اور جو بھی ملوث ہے اُسے سخت سزا دی جائے۔
شیخ رشید نے کہا کہ کوئی بھی محب وطن پاکستانی اپنی فوج کے خلاف نہیں ہو سکتا اور وہ پی ڈی ایم کے چوروں کے ساتھ بھی کھڑا نہیں ہو سکتا۔
سینیئر سیاستدان نے مزید لکھا کہ جن کا جینا مرنا پاکستان میں ہے اُن کو ای سی ایل میں ڈالا جا رہا ہے جب کہ جن کی جائیدادیں اور اولاد پاکستان سے باہر ہے ان کو سفارتی پاسپورٹ جاری کیا گیا ہے۔ ای سی ایل میں تو ان کو ڈالنا چاہیے کہ جب وہ اقتدار سے باہر ہوتے ہیں تو پرائیویٹ جہازوں سے باہر بھاگتے ہیں۔
جن کاجینا مرنا پاکستان میں ہے اُن کو ECL میں ڈالا جا رہاہےجن سزایافتہ مفرورمجرموں کی جائیدائیں اولادپاکستان سےباہرہےان کوسفارتی پاسپورٹ جاری کیا گیا ہےجب اقتدارکےباہرہوتےہیں توپرائیوٹ جہازوں سےبھاگتےہیں انکوECLمیں ڈالناچاہیے13جماعتوں کےلیڈرنیلامی میں اورعوام پریشانی میں ہیں
— Sheikh Rashid Ahmed (@ShkhRasheed) May 28, 2023
سابق وفاقی وزیر نے کہا کہ 13 جماعتی ٹولہ عوام میں نفرت کا نشان بن چکا ہے، آئی ایم ایف سے چھٹی اوردوستوں سے کٹی ہے، ووٹ مانگنے والے اب پارٹیاں چھوڑ رہے ہیں، سزا یافتہ مجرم مفرور نواز شریف مذاکرات کیوں کرے گا الیکشن کیوں کرائے گا، رات جو لندن کے کیفے میں اُس کے ساتھ ہوا وہی اُس کی مقبولیت کا منہ بولتا ثبوت ہے۔ ووٹ دینے والے ابھی نہیں بدلے۔