پاکستان مسلم لیگ عوامی کے سربراہ شیخ رشید نے کہا ہے کہ عدالتی حکم عدولی ہو چکی ریڈار میں شہباز شریف اور کابینہ اراکین آسکتے ہیں۔
اے آر وائی نیوز کے مطابق سپریم کورٹ کے پنجاب میں 14 مئی کو الیکشن کے لیے حکومت کو فنڈز کے اجرا کے حکم پر عملدرآمد نہ کرنے پر پاکستان مسلم لیگ عوامی کے سربراہ شیخ رشید احمد نے سماجی رابطوں کی ویب سائٹ ٹوئٹر پر اظہار خیال کیا ہے۔
سینیئر سیاستدان نے اپنے ٹویٹ میں لکھا ہے کہ عدالتی حکم عدولی ہو چکی۔ نا فرمانی اور توہین عدالت کا عندیہ دے دیا گیا۔ اس کے ریڈار میں وزیراعظم شہباز شریف اور ان کی کابینہ آ سکتی ہے۔ والیم 10 کی بھی جلد گلی کوچے میں لوٹ سیل لگنے والی ہے۔
سابق وفاقی وزیر نے کہا کہ سپریم کورٹ نے 8 رکنی لارجر بینچ کی خواہش بھی پوری کر دی ہے۔ آئین وقانون کی بالادستی کے آخری پانچ اوورز کا میچ جمعے سے شروع ہو رہا ہے۔ آئین وقانون کا شکنجہ انتہائی گہرا اور سخت ہوتا ہے۔
عدالتی حکم عدولی ہوچکی نافرمانی اورتوہین عدالت کاعندیہ دےدیاگیاجس کےریڈارمیں شہبازشریف اورکابینہ آسکتےہیں۔جسٹس اعجازافضل نےوالیم10کےٹکرچلادیےہیں والیم10کی گلی کوچےمیں لوٹ سیل لگنےوالی ہے۔نوازشریف پاکستان نہیں آئیں گےلندن واپس جائیں گے کیونکہ شہبازشریف انکی خواہشیں پوری نہیں کرسکا
— Sheikh Rashid Ahmed (@ShkhRasheed) April 13, 2023
ان کا کہنا تھا کہ 12 روز سے کابینہ ہر روز ایسے بیٹھ رہی ہے جیسے نیاز بانٹی جا رہی ہے۔ ان کے پاس ہر کام کے لیے پیسے ہیں سوائے الیکشن کے۔ پاکستان کی کابینہ ہی عدالتی فیصلے سے انکار کی جرأت کرسکتی ہے۔ نا اہل لوگ قانون سازی کر رہے ہیں جب کہ وزیراعظم نے آٹے کی دکان کھول رکھی ہے۔
شیخ رشید نے مزید کہا کہ غریب کے پاس کفن دفن کے پیسے بھی نہیں۔ آئی ایم ایف کی سوئی یواے ای کے ایک ارب ڈالر پراٹکی ہے۔ امید ہے محمد بن سلمان بھی ان کو سمجھائے گا کہ بندے کے پتر بنو انتظار کی گھڑیاں ختم ہونے کو ہیں۔
پاکستان کی کابینہ ہی عدالتی فیصلےسےانکارکی جرأت کرسکتی ہےنااہل لوگ قانون سازی کررہےہیں وزیراعظم نے10توڑےآٹےکی دکان کھول رکھی ہےغریب کےپاس کفن دفن کےپیسےنہیںIMFکی سوئیUAEکےایک ارب ڈالرپراٹکی ہوئی ہےامید ہےمحمد بن سلمان بھی ان کوسمجھائےگاکہ بندےکےپتربنوانتظارکی گھڑیاں ختم ہونےکوہیں
— Sheikh Rashid Ahmed (@ShkhRasheed) April 13, 2023
سینیئر سیاستدان نے یہ بھی کہا کہ نواز شریف سعودی عرب سے پاکستان نہیں آئیں گے بلکہ لندن واپس جائیں گے کیونکہ شہباز شریف ان کی خواہشیں پوری نہیں کر سکا۔