قومی کرکٹر شعیب ملک نے اہلیہ ثانیہ مرزا سے علیحدگی کی افواہوں پر خاموش رہنے کی وجہ بیان کردی ہے۔
قومی کرکٹر شعیب ملک نے ایک پروگرام میں شریک ہوئے جہاں میزبان نے سوال کیا کہ جب آپ کی زندگی معمول کے مطابق چل رہی ہو اور پھر اس قسم کی افواہیں آئیں کہ اہلیہ سے علیحدگی ہوگئی ہے، تو ایک کرکٹر کے لیے کتنا مشکل ہوتا ہے ان سب چیزوں سے باہر نکلنا؟ کیونکہ آپ کی جانب سے کوئی جواب بھی نہیں دیا جاتا، آپ لوگ ایک ساتھ شو بھی کرتے ہیں، ملاقات بھی کرتے ہیں۔
شعیب ملک نے کہا کہ ’اگر ہم ہر بات پر ردعمل دینے لگ جائیں تو اپنی زندگی کب جئیں گے آپ کی توجہ ہمیشہ بٹتی ہی رہے گی۔‘
انہوں نے کہا کہ اگر میں آج ان افواہوں کا جواب دوں گا تو کل تین جواب مزید دینا پڑیں گے بات وہیں آجائے گی کہ ہم اپنی زندگی کب جئیں گے۔
کرکٹر نے کہا ‘کبھی کبھی یہ ہوتا ہے کہ ہم پر اس چیز کا اثر اتنا نہیں ہوتا جتنا ہمارے قریبی لوگوں پر ہوتا ہے، میں یہ ہی کہوں گا کہ ایسی چیزوں کو نظر انداز کرکے آگے بڑھنا چاہیے’۔
