حکومت کی جانب سے پیٹرول کی قیمت میں اضافے پر اداکار فرحان سعید، ثمینہ پیرزادہ، ارسلان نصیر اورمشی خان نے برہمی کا اظہار کیا ہے۔
حکومت نے گزشتہ روز پیٹرولیم مصنوعات کی قیمتوں میں اضافے کا اعلان کیا جس کے مطابق پیٹرول 22 روپے 20 پیسے مہنگا ہونے کے بعد فی لیٹر 272 روپے کا ہوگیا۔
شوبز شخصیات اور عوام کی جانب سے پیٹرولیم مصںوعات کی قیمتوں میں اضافے کا غم و غصے کا اظہار کیا جارہا ہے۔
اداکار فرحان سعید نے سماجی رابطے کی ویب سائٹ ٹویٹر پر لکھا کہ ’پاکستانیوں تم پانچ سو روپے لیٹر بھی ڈلوا لو گے افسوس ہے جو قوم اپنے لیے کھڑی نہیں ہوسکتی وہ اسی بدترین صورت حال کی مستحق ہے۔‘
Pakistaniyon tum 500 rs litre bhi dalwa loge. Afsos!
The nations that don’t stand up for themselves, deserve this and worse !#inflation #petrolprice #PakistanEconomicCrisis— Farhan Saeed (@farhan_saeed) February 15, 2023
اداکارہ ثمینہ پیرزادہ نے ٹوئٹ میں غصے کا اظہار کیا اور کہا ‘پاکستان کی ترقی میں ہی ہے سب کی ترقی ہے، بس کردو ظالمو دھرتی ماں کو جینے دو پھلنے پھولنے دو، لوگوں کو سانس لینے دو’۔
پاکستان کی ترقی میں ہی ہے سب کی ترقی۔ بس کردو ظالمو دھرتی ماں کو جینے دو پھلنے پھولنے دو۔ لوگوں کو سانس لینے دو
— Samina Peerzada (@SaminaSays) February 16, 2023
اداکار و یوٹیوبر ارسلان نصیر نے بھی لکھا کہ ’ملک سے غربت ختم کرنی ہے یا غریب؟
Mulk se 'Ghurbat' khatam karni hai ya 'Ghareeb'?
— Arslan Naseer (@ArslanNaseerCBA) February 15, 2023
اداکارہ و میزبان مشی خان نے پیٹرول کی مسلسل بڑھتی ہوئی قیمت اور حکومت کی جانب سے ملک میں غریب شہریوں پر ظلم پر کہا کہ ’آپ سب اتنے پریشان کیوں ہیں؟‘
انہوں نے عوام پر طنز کرتے ہوئے لکھا کہ’ابھی بھی پیٹرول کے لیے لمبی قطاریں لگی ہوئی ہیں، سڑک پر مزید کاریں اور ٹم ہارٹنز کافی کو نہ بھولیں بلکہ پی ایس ایل کے آٹھویں ایڈیشن کا لطف اٹھائیں‘۔
Why are you all so disturbed?? There still wud be long queues for petrol.. more cars on the road & not to forget Tim Hortans coffee. Enjoy #PSL8
Nothing affects this Nation. Wait for another bomb & another 2 days of keypad war. Talk talk & no action. #PetrolDieselPrice— Mishi khan (@mishilicious) February 15, 2023
