ممبئی: بالی ووڈ کے مقبول فلموں کے معروف بھارتی اداکار شریاس تلپڑے کو اچانک دل کا دورہ پڑ گیا۔
بھارتی میڈیا رپورٹ کے مطابق بالی ووڈ کی سُپر ہٹ کامیڈین فلم ’گول مال‘ کے معروف اداکار شریاس تالپڑے کو اپنی نئی آنے والی فلم کی شوٹنگ کے بعد اچانک دل کا دورہ پڑگیا جس کے بعد اُنہیں اسپتال میں داخل کردیا گیا ہے۔
بھارتی میڈیا کا بتانا ہے کہ اداکار شریاس تالپڑے ممبئی میں فلم ‘ویلکم ٹو دی جنگل‘ کی شوٹنگ کررہے تھے، ایکشن سے بھر پور فلم کی شوٹنگ ختم ہونے کے بعد وہ واپس گھر چلے گئے۔
Shocking
Bollywood actor Shreyas Talpade suffered an attack, he is 47 years old.
Currently undergoing treatment. This is now becoming a very serious concern.#ShreyasTalpade pic.twitter.com/1BMeYJBPRV
— Amock (@Politics_2022_) December 14, 2023
رپورٹ میں بتایا گیا کہ گھر جانے کے بعد اداکار نے اپنی اہلیہ سے بے چینی محسوس ہونے کی شکایت کی جس کے بعد نارمل وہ گھر سے اسپتال جانے کے لیے نکلے لیکن راستے میں انہیں دل کا دورہ پڑ گیا۔
شریاس تالپڑے کو اچانک دل کا دورہ پڑنے کے بعد کو فوری طور پر اسپتال لے جایا گیا جہاں اُن کی انجیو پلاسٹی کرائی گئی، تاہم اداکار کی حالت خطرے سے باہر ہے۔
واضح رہے کہ اداکار شریاس نے کئی بالی وڈ فلموں میں اداکاری کے جوہر دکھائیں ہیں ، ان کی مشہور فلموں میں اوم شانتی اوم، کمال دھمال، گول مال 3، گول مال ریٹرنس، گول مال اگین اور ہاوْس فُل 2 شامل ہیں۔
