اسلام آباد : سنی اتحاد کونسل نے قومی اسمبلی میں اپوزیشن لیڈر کیلئے عمر ایوب کا نام جمع کرادیا، قائد حزب اختلاف کا نام ملک عامر ڈوگر نے جمع کرایا۔
قومی اسمبلی اسپیکر سردار ایاز صادق سے سنی اتحاد کونسل کے وفد کی ملاقات، قائد حزب اختلاف کے لیے نام جمع کروا دیا
.
: SIC submits Omar Ayub’s name as Opposition leader in NA
تفصیلات کے مطابق قومی اسمبلی کے اسپیکر سردار ایاز صادق سے سنی اتحاد کونسل کے وفد نے ملک عامر ڈوگر کی قیادت میں ملاقات کی۔
پارلیمنٹ ہاؤس میں واقع اسپیکر چیمبر میں ہونے والی ملاقات میں ملک عامر ڈوگر نے دیگر اراکین کے ہمراہ اسپیکر کو قائد حزب اختلاف کے لیے جناب عمر ایوب کا نام تجویز کر دیا۔
قائد حزب اختلاف کے لیے نام قومی اسمبلی کے رولز آف پروسیجر اینڈ کنڈکٹ آف بزنس کے متعلقہ رول نمبر 39 کے تحت جمع کروایا گیا ہے۔
ملاقات میں ملک عامر ڈوگر کے علاوہ صاحبزادہ حامد رضا، علی محمد خان، ریاض فتیانہ، ڈاکٹر نثار جٹ اور دیگر اپوزیشن ممبران بھی موجود تھے۔
