سندھ ہائیکورٹ نے کراچی میں 16 مارچ کو قومی اسمبلی کی 9 نشستوں پر ہونے والے ضمنی الیکشن روک دیے ہیں۔
اے آر وائی نیوز کے مطابق سندھ ہائیکورٹ نے کراچی میں 16 مارچ کو کراچی میں قومی اسمبلی کی 9 نشستوں پر ہونے والے ضمنی الیکشن کو روکنے کا حکم جاری کر دیا ہے۔ یہ نشستیں پاکستان تحریک انصاف کے اراکین اسمبلی کے استعفے منظور کیے جانے کے بعد خالی ہوئی تھیں۔
اے آر وائی نیوز کی براہ راست نشریات دیکھنے کے لیے کلک کریں:
پی ٹی آئی اراکین نے اسپیکر اور الیکشن کمیشن کے اس فیصلے کے خلاف عدالت سے رجوع کیا تھا جس پر لاہور ہائیکورٹ نے قومی اسمبلی کے اسپیکر کی جانب سے پی ٹی آئی کے ممبران کے استعفے منظور اور الیکشن کمیشن کی جانب سے ڈی نوٹیفائی کرنے کے فیصلے کو معطل کر دیا تھا۔
اسی حوالے سے پی ٹی آئی نے 16 مارچ کو کراچی کے 9 حلقوں میں شیڈول ضمنی الیکشن رکوانے کے لیے سندھ ہائیکورٹ میں درخواست دائر کی تھی جس پر عدالت عالیہ نے 21 مارچ کے نوٹسز جاری کیے تھے۔
ان نوٹسز کے اجرا کے بعد پی ٹی آئی نے دوبارہ عدالت سے رجوع کیا تھا اور موقف اختیار کیا تھا کہ الیکشن 16 مارچ کو شیڈول ہیں اور نوٹس 21 مارچ کو۔ قومی پیسے کا ضیاع ہوگا جس پر آج اس چیف جسٹس سندھ ہائیکورٹ نے درخواست کی سماعت کی۔
آج سماعت پر پی ٹی آئی کے وکلا اور عدالت کو قومی اسمبلی کے اسپیکر کی جانب سے پی ٹی آئی کے اراکین اسمبلی کے استعفوں کی منظوری اور الیکشن کمیشن کے ڈی نوٹیفائی کرنے کے نوٹیفیکشن کو معطل کرنے کے فیصلوں سے آگاہ کیا۔
عدالت نے پی ٹی آئی وکلا کے دلائل سننے کے بعد 16 مارچ کو ہونے والے ضمنی الیکشن روکنے کا فیصلہ دیا اور سماعت کو 25 مارچ تک ملتوی کردیا۔
