غنودگی میں ڈرائیونگ کرنا ایک خطرناک عمل ہے جو ڈرائیور کے ساتھ کئی افراد کی جان لے سکتا ہے، لیکن اگر آپ یہ سوچتے ہیں کہ ایسی احتیاط صرف کسی مصروف شاہراہ یا ہائی وے پر ڈرائیونگ کرتے ہوئے کرنی چاہیئے تو آپ غلط ہیں۔
سوشل میڈیا پر وائرل ایک ویڈیو میں دیکھا جاسکتا ہے کسی بند اور بظاہر محفوظ جگہ کے اندر بھی غیر محتاط ڈرائیونگ کرنا کس قدر نقصان کا باعث بن سکتا ہے۔
ویڈیو ایک گودام کی ہے جس میں ایک ملازم موٹر کارٹ کو ڈرائیو کرتا ہوا لے جارہا ہے، لیکن شاید اسے نیند آرہی ہے تبھی اس نے اپنا سر اسٹیئرنگ وہیل پر رکھا ہوا ہے۔
اس کی اس لاپرواہی کا نتیجہ فوراً سامنے آجاتا ہے، موٹر کارٹ دیوار کے ساتھ رکھے ریک سے ٹکراتی ہے اور ریک پر رکھا سامان دھڑا دھڑ نیچے گرنے لگتا ہے۔
— cctv ediots 📷 (@cctv_videos) March 30, 2023
گوادم کا ملازم چند سیکنڈ کے وقفے سے بال بال بچتا ہے اور بھاگ کر دور ہٹتا ہے، پیچھے ایک اور ملازم موجود ہے اس کی طرف بھی سامان گرنے لگتا ہے تو وہ بھی بھاگ کر اپنی جان بچاتا ہے۔
ٹویٹر پر اس ویڈیو کو ہزاروں بار دیکھا گیا، کئی صارفین کا کہنا تھا کہ بیچارہ ملازم نیند میں تھا اور اس غلطی کی وجہ سے وہ لازماً اپنی ملازمت سے ہاتھ دھو بیٹھے گا۔
