میتھیو ہیڈن نے بابر اعظم، ویرات کوہلی اور اسٹیو اسمتھ کو ماڈرن دور کے عظیم ترین کرکٹرز قرار دے دیا۔
تفصیلات کے مطابق ورلڈ ٹیسٹ چیمپئن شپ کے فائنل کے حوالے سے بات چیت کے دوران میتھیو ہیڈن نے اپنے خیالات کا اظہار کرتے ہوئے بابر اعظم، ویران کوہلی اور اسٹیو اسمتھ کو ماڈرن دور کے عظیم ترین کرکٹرز میں شمار کیا ہے، ان تینوں کرکٹرز کے لیے سابق جارح مزاج بلے باز نے اپنی پسندیدگی کا اظہار کرتے ہوئے انھیں کرکٹ کے کھیل میں غیرمعمولی ٹیلنٹ کا حامل قرار دیا، ان کا کہنا تھا کہ ایسے کرکٹرز زندگی میں اور جنریشن میں ایک ہی بار دیکھنے کو ملتے ہیں۔ انھوں نے کہا کہ ان کی قابلیت اور اچیومنٹس انھیں ہم عصر کرکٹرز سے ممتاز بناتی ہے۔
ورلڈ ٹیسٹ چیمپئن شپ فائنل کے لیے آسٹریلیا کو بھارتی ٹیم پر حاصل ہونے والے ایڈوانٹیج کے حوالے سے سابق پاکستانی کوچ کا کہنا تھا کہ بورڈ پر رنز سجانا اہم ہوگا۔ انھوں نے کہا کہ مارس لبوشین اور کپتان پیٹ کمنز بھی کینگروز کے لیے کلیدی حیثیت کے حامل ہیں۔ لبوشین ایک قابل اعتماد بلے باز کے طور پر ابھر کر سامنے آئے ہیں جبکہ کمنز کا بحیثیت کپتان اور ایک زبردست بائولر ٹیم کے لیے دوہرا کردار ہے۔
واضح رہے کہ پاکستان کرکٹ ٹیم کے کپتان بابر اعظم عالمی کرکٹ میں مستقبل مزاجی سے رنز بنانے کے لیے شہرت رکھتے ہیں، ان کی شاندار ٹائمنگ اور طویل اننگز کھیلنے کی صلاحیت کا ہر کوئی معترف ہے۔ آسٹریلین بیٹسمین اسٹیو اسمتھ اپنے اَن آرتھو ڈوکس اور پر اثر بیٹنگ اسٹائل کی وجہ سے جانے جاتے ہیں جبکہ سابق بھاتی کپتان کوہلی نے ایک دہائی سے زیادہ عرصے سے اپنی عمدہ بلے بازی اور رن چیزنگ کرنے کی صلاحیت کے باعث دھاک بٹھائی ہوئی ہے۔
