لاہور : اسپیکر قومی اسمبلی راجہ پرویز اشرف کی جانب سے چیف جسٹس پاکستان کو لکھے خط کو واپس لینے کیلئے مراسلہ لکھ دیا گیا۔
تفصیلات کے مطابق جوڈیشل ایکٹوازم پینل کے سربراہ اور ماہر قانون اظہر صدیق نے اسپیکر قومی اسمبلی راجہ پرویز اشرف کو مراسلہ بھجوایا۔
مراسلے میں کہا گیا ہے کہ اسپیکر راجہ پرویز اشرف نے چیف جسٹس پاکستان کو خط لکھ کر آئین کے منافی اقدام کیا، چیف جسٹس پاکستان کو سوموٹو لینے بارے میں خط لکھنا توہین عدالت کے زمرے میں آتا ہے۔
مراسلے میں سوال کیا گیا بتایا جائے کہ یہ خط کس کے کہنے پر بھجوایا گیا، اسپیکر نے جان بوجھ کر توہین آمیز خط بھیجا جس پر ان کے خلاف کاررواٸی بھی ہو سکتی ہے ۔
مراسلے کے متن میں کہنا تھا کہ راجہ پرویز اشرف اپنی خط فوریب واپس لیں اگر ایسا نہ کیا گیا تو اعلی عدالتوں سے رجوع کیا جائے گا۔
Comments
- Advertisement -