اسلام آباد : یوم عاشور کے موقع پر سیاسی رہنماؤں کی جانب سے خصوصی پیغامات کا سلسلہ جاری ہے۔
تفصیلات کے مطابق کربلا میں حضرت امام حسین رضی اللہ تعالیٰ عنہ اور ان کے ساتھیوں کی جانب سے دی گئی عظیم قربانیوں کو خراجِ عقیدت پیش کرنے کے لئے ملک بھر میں یوم عاشور دس محرم الحرام آج مذہبی عقیدت و احترام سے منایا جارہا ہے۔
یوم عاشور کے موقع پر سیاسی رہنماؤں کی جانب سے خصوصی پیغامات کا سلسلہ جاری ہے۔
یوم عاشورہمیں یاد دلاتا ہے کہ حسینیت تا ابد زندہ اور پائندہ ہے، خواجہ آصف
وفاقی وزیر دفاع خواجہ آصف نے اپنے خصوصی پیغام میں کہا کہ یوم عاشورہمیں یاد دلاتا ہے کہ حسینیت تا ابد زندہ اور پائندہ ہے، حسینیت ہر دور میں یزیدیت کیخلاف برسر پیکار رہےگی، ظلم،جبر اور بربریت کیخلاف جنگ میں خانوادہ رسول ﷺکی قربانی مشعل راہ ہے، ہر دور میں ہرمعاشرے کےیزیدکیخلاف جنگ ہم پرفرض ہے اور اس کیلئےقربانی سنت ہے۔
واقعے کربلا سے درس ملتا ہے کہ عظیم مقاصدکی خاطربڑی قربانیاں دیناپڑتی ہیں، بلاول
وزیرخارجہ بلاول بھٹوزرداری نے یوم عاشور کےموقع پرپیغام میں کہا کہ واقعے کربلا سے درس ملتا ہے کہ عظیم مقاصدکی خاطربڑی قربانیاں دیناپڑتی ہیں، بلآخرفتح ہمیشہ سچ کی ہوتی ہے، امام حسین نےسکھایاکہ حق کیساتھ کھڑاہونیوالےکاسر کٹ تو سکتا ہے مگر جھک نہیں سکتا، امام حسین کےتمام رفقاکاحوصلہ،صبر و استقلال اور تدبر بھی مشعل راہ ہے، حسینیت ظالم سےلڑنےاورمظلوم کاساتھ دینے کا نام ہے۔
واقعہ کربلاہمیں حق پر ڈٹ جانےکاسبق سکھاتا ہے، راناثنااللہ
وزیرداخلہ راناثنااللہ نے اپنے پیغام میں کہا کہ واقعہ کربلاہمیں حق پر ڈٹ جانےکاسبق سکھاتاہے، امام حسین ؓاوران کےساتھیوں نےشجاعت کی داستان رقم کی، یوم عاشور حق و باطل کےلازوال معرکے کی یاد دلاتا ہے، امام حسینؓ نےاپنی جان کانذرانہ پیش کرکےدین اسلام کوجلابخشی۔
راناثنااللہ کا کہنا تھا کہ کربلاکےشہیدوں کی بدولت ہی اسلام آج زندہ ہے،حق وباطل کی لڑائی اس دور میں بھی جاری ہے، آج ایثارو قربانی کےجذبے کو فروغ دینےکی ضرورت پہلےسےکہیں زیادہ ہے۔
امام حسینؓ کا فلسفہ پوری انسانیت کے لیے مشعل راہ ہے، زرداری
سابق صدرآصف علی زرداری نے یوم عاشور پر خصوصی پیغام میں کہا کہ امام حسینؓ کا فلسفہ پوری انسانیت کے لیے مشعل راہ ہے، مذہب اسلام کو سمجھنے کے لیے نواسہ رسولؐ کی عظیم قربانی سےسیکھنے کی ضرورت ہے، پی پی قیادت نےنواسہ رسولؐ کےفلسفےکو مشعل راہ بناکر وقت کے یزیدوں کی مزاحمت کی۔
آصف زرداری کا کہنا تھا کہ اسلامو فوبیا میں مبتلا مٹھی بھر عناصر دنیا کے امن کیلئے خطرہ بن رہے ہیں، مسلمانوں کی دل آزاری دہشت گردی کے زمرے میں آتی ہے ، مہذب ممالک کی حکومتیں ایسے عناصر کی سختی سے حوصلہ شکنی کرنے کیلئے اقدامات اٹھائیں ، ایسےعناصراشتعال انگیز مہم جوئی کرکے دنیا کے امن کیلئے خطرہ بن رہے ہیں، پی پی قیادت اور کارکنوں نے حسینیت کی راہ پرچلتے ہوئے شہادتوں کی تاریخ رقم کی۔
واقعہ کربلا قیامت تک حق و باطل کےدرمیان تفریق کا پیمانہ ہے، گورنر سندھ
گورنر سندھ کامران ٹیسوری نے خصوصی پیغام میں کہا کہ یوم عاشورسےہمیں اسلام کے لئے قربانی دینے کا سبق ملتا ہے، واقعہ کربلا قیامت تک حق و باطل کےدرمیان تفریق کا پیمانہ ہے، امام حسین ؓ کی شہادت نےاسلام کی سربلندی کیلئےجان کی بازی لگا دینے کی روایت قائم کی، یہ شہادت صراط مستقیم پر چلنے والوں کے لئے ہر دور میں ایک روشن مثال ہے۔
کامران ٹیسوری کا مزید کہنا تھا کہ شہدائےکربلا نے اپنے قول و فعل سے جانثاری کی عظیم تاریخ رقم کی، دین حق کی سربلندی کے لئے جان قربان کر دی لیکن سر نگوں نہیں کیا، امام حسین ؓ کی قربانی رہتی دنیا تک زندہ وجاوید رہے گی،امام حسین ؓ نے پورے خاندان کی قربانی دی مگر باطل کے سامنے نہیں جھکے۔
واقعہ کربلا رہتی دنیا تک مسلمانوں اور تمام انسانوں کے لئے ایک سبق ہے، احسن اقبال
وفاقی وزیر احسن اقبال نے یوم عاشورکےمرکزی جلوس میں گفتگو کرتے ہوئے کہا یوم عاشور تمام مسلمانوں کواس عظیم الشان قربانی کی یاددلاتا ہے،امام حسینؓ نےاہلخانہ، ساتھیوں کے ہمراہ کربلا کے میدان میں قربانی دی، واقعہ کربلا رہتی دنیا تک مسلمانوں اور تمام انسانوں کے لئے ایک سبق ہے۔
احسن اقبال کا کہنا تھا کہ حق اور سچ کے لئے انسان کو بڑی سے بڑی چیز بھی قربان کر دینی چاہیے، امام حسینؓ کی قربانی یہ بھی درس دیتی ہے کہ حق اور سچ پر پہرہ دیں ، نبی پاکؐ کےنواسے نے تاریخ رقم کی،یہ ہم سب کے لئے بہت بڑا سبق ہے۔
امام حسینؓ کا سبق ہے کسی ظالم و جابر کو حق کے ساتھ کھلواڑ کی اجازت نہ دی جائے، حمزہ شہباز
نائب صدر مسلم لیگ ن حمزہ شہباز شریف نے یوم عاشور پر پیغام میں کہا کہ شہیدان کربلانے حق وصداقت کی راہ میں جانثاری کی عظیم تاریخ رقم کی، کربلا اقتدار کی جنگ نہیں اصولوں کی بقا،حق کی سربلندی کیلئےشہادت کا فیصلہ تھا، امام حسینؓ کا سبق ہے کسی ظالم و جابر کو حق کے ساتھ کھلواڑ کی اجازت نہ دی جائے۔
حمزہ شہباز کا کہنا تھا کہ امام حسینؓ اور ان کے رفقا رسول ؐ کے نظریے اور منشور کے علمبردار تھے، نواسہ رسولؐ نے اسلام کی عملی تفسیراپنےجانثاروں کی شہادت پیش کر کےبیان کر دی۔
واقعہ کربلا حق و سچ کی سرفرا زی و سربلندی کی داستان ہے، محسن نقوی
نگران وزیراعلیٰ پنجاب محسن نقوی کا یوم عاشور پر پیغام میں کہا کہ حضرت امام حسینؓ نے اپنے اہل و عیال اوراصحاب کے ساتھ حق کی خاطرجام شہادت نوش کیا، واقعہ کربلا حق و سچ کی سرفرا زی و سربلندی کی داستان ہے، حضرت امام حسینؓ نےظلم کے سامنےڈٹ جانےکاابدی درس دیا ہے، نواسہ رسول ؐحضرت امام حسینؓ نےباطل کے سامنے سر نہ جھکاکر دین اسلام کو زندہ رکھا، امام حسینؓ کی شہادت صدائےانقلاب ہےجوہردورمیں بلند ہوتی رہے گی۔
امام حسینؓ اور خاندان کی لازوال قربانیاں14 صدیوں پر محیط ہیں ، خالدمقبول
کنوینرایم کیوایم پاکستان خالدمقبول صدیقی نے یوم عاشور پر پیغام میں کہا کہ امام حسینؓ اور خاندان کی لازوال قربانیاں14 صدیوں پر محیط ہیں ، یہ قربانیاں رہتی دنیا تک یاد رکھی جائیں گی، محرم الحرام حرمت والا مہینہ ہے اورتاریخ میں عظیم قربانیوں سے عبارت ہے، ملت اسلامیہ پرمحرم الحرام کا احترام ہر حال میں لازم ہے۔
خالدمقبول صدیقی کا کہنا تھا کہ کربلا کا واقعہ حق و باطل کے درمیان تمیز کرتا ہے ،یہ ایک نظریہ کی جنگ تھی، ان کا نظریہ آج بھی سر چڑھ کر بول رہا ہے اور یہ حق کی فتح ہے، امام حسینؓ کے ایثاروقربانی کی مثال ہر انقلاب کیلئےشعور دیتی ہے اور بنیادبنتی ہے، ہم اپنی زندگیوں کو کربلا والوں کی سنت پر ڈھالیں جو ہماری کامیابی کی ضمانت ہوگا۔
