آسٹریلیا کے مایہ ناز فاسٹ بولر مچل اسٹارک نے اہم اعزاز اپنے نام کرلیا، وہ نامور بولرز کے کلب میں شامل ہونے والے نئے رکن بن گئے۔
برسبین میں ویسٹ انڈیز اور آسٹریلیا کے مابین ہونے والے ڈے اینڈ نائٹ ٹیسٹ میچ میں مچل اسٹارک نے 350 ٹیسٹ وکٹوں کا سنگ میل عبور کرتے ہوئے تاریخ میں اپنا نام درج کروایا۔
لیفٹ آرم پیسر نے 22 ویں اوور میں ویسٹ انڈین بیٹر ایلک ایتھنزے کو آؤٹ کر کے یہ کارنامہ انجام دیا جبکہ وہ یہ اعزاز حاصل کرنے والے پانچویں آسٹریلوی کرکٹر بھی بن گئے۔
Mitch Starc reaches No.350 with a classic Starc delivery! #MilestoneMoment | @nrmainsurance | #AUSvWI pic.twitter.com/GkLGjFTFJ8
— cricket.com.au (@cricketcomau) January 25, 2024
اسٹارک نے اس میچ میں عمدہ پرفامنس کا مظاہرہ کرتے ہوئے 4 وکٹیں حاصل کیں جبکہ پہلی اننگز میں ویسٹ انڈین ٹیم 8 وکٹوں کے نقصان پر 266 رنز اسکور کرلیے ہیں۔
32 سالہ پیسر 350 وکٹوں کے کلب میں شامل ہونے والے تیسرے بائیں ہاتھ کے تیز گیند باز ہیں، ان سے قبل صرف لیجنڈری وسیم اکرم (414) اور سری لنکن چمندا واس (355) اس کلب کا حصہ بننے میں کامیاب ہوئے ہیں۔
اس کے علاوہ مچل کے ہم وطن شین وارن، گلین میک گرا، نیتھن لیون، اور ڈینس للی ٹیسٹ میچز میں وکٹیں حاصل کرنے کی دوڑ میں ان سے آگے ہیں۔
Starc gets his third on the dinner break and his love-affair with the pink ball continues! #AUSvWI pic.twitter.com/aWcOJw1iBJ
— cricket.com.au (@cricketcomau) January 25, 2024
اسٹارک نے ویسٹ انڈیز کے خلاف سات ٹیسٹ میچوں میں 27 وکٹیں حاصل کی ہیں۔ وہ 87 ٹیسٹ میچوں میں 14 بار پانچ وکٹیں اور دو بار 10 وکٹیں حاصل کرچکے ہیں۔
