مصیبت، تکلیف یا پریشانی میں کسی شخص کے کام آنے کے بعد جوخوشی اور اطمینان اور سکون حاصل ہوتا ہے اس کو الفاظ میں بیان کرنا ناممکن ہے۔
انسانیت کی خدمت ہی انسان ہونے کی پختہ دلیل ہے، بقول شاعر کہ "کسی کے کام نہ آئے وہ زندگی کیا ہے”؟ دوسرے انسان کی تکلیف کا احساس وہی شخص کرسکتا ہے جس کا دل بھی حساس ہو۔
ایک ایسی ہی ویڈیو سوشل میڈیا پر وائرل ہورہی ہے جس میں ایک شخص کو دوسرے انسان کی تکلیف اور ضرورت کا احساس کرتے ہوئے اس کے کام آنا دکھایا گیا ہے۔
ویڈیو میں دیکھا جاسکتا ہے کہ سڑک پر لوگوں کی آمد ورفت جاری ہے اور ہلکی ہلکی بارش بھی ہورہی ہے، ایسے میں ایک عورت اپنے بچے کو گود میں اٹھائے اسے بارش سے بچاتے ہوئے لے کر جارہی ہے۔
View this post on Instagram
اسی دوران سامنے سے آنے والے شخص نے اپنے ہاتھ میں موجود چھتری اس اجنبی خاتون کے حوالے کردی تاکہ وہ بچے کو محفوظ طریقے سے لے جا سکے۔
دل دہلا دینے والی اس ویڈیو کو گڈ نیوز موومنٹ نے انسٹاگرام پر شیئر کیا ہے، پوسٹ کے کیپشن میں لکھا ہے کہ آئیے مہربانی کے ساتھ اس دنیا کو بدلیں، مذکورہ کلپ کو تقریباً ایک ملین سے زائد لوگوں نے دیکھا اور پسندیگی کا اظہار کرتے ہوئے اپنے خیالات کا اظہار بھی کیا۔
