کراچی : شہر قائد میں کرمنلز قربانی کے جانوروں کو بھی چھوڑنے پر تیار نہیں، ایک ہفتے کے دوران ساٹھ سے زائد جانور لے اڑے۔
تفصیلات کے مطابق کراچی میں اسٹریٹ کرمنلز نے موٹرسائیکلوں ، گاڑیاں اور موبائل فون چھوڑ کر مویشیوں پر ہاتھ صاف کرنا شروع کر دیا۔
ایک ہفتے کے دوران شہر قائد کے مختلف علاقوں سے 60 سے زائد مویشی چوری کر لئے گئے، موشی چوری کے واقعات اورنگی ٹاون، مومن آباد، اجمیرنگری، سرسید، نیو کراچی، شارافیصل، کورنگی، عوامی کالونی، بلدیہ ٹاؤن، کلفٹن سمیت مختلف علاقوں میں رپورٹ ہوئے۔
فریئر کے علاقے سے ساڑھے تین لاکھ روپے کا بیل چوری کیا گیا، نارتھ کراچی میں پلاٹ سے شہری کے چالیس بکرے، یاسین آباد سے دکان کا شٹر کاٹ کر دو بکرے، بلوچ پور سے پانچ جانور، اور بلدیہ ٹاؤن سے بیل چوری کیا گیا، اور ڈالمیا سے گائے اورنگی ٹاؤن سے چار جانور چھینے گئے
شہری کا کہنا ہے کہ کئی واقعات کی سی سی ٹی وی فوٹیج بھی پولیس کو فراہم کی گئیں لیکن پولیس مویشیوں کی برآمدگی کے لیے سنجیدہ بنیادوں پر کوششیں نہیں کر رہی۔
شہریوں کو مزید کہنا تھا کہ مویشیوں کے چھیننے اور چوری کے واقعات بڑھنے کے بعد پولیس نے اب شہریوں سے درخواست وصول کرنا بھی چھوڑ دیں، چوری کے واقعات کی رپورٹ درج کرانے کے لیے تھانوں کے چکر لگاتے ہیں اور ناکام گھر واپس لوٹنا پڑتا ہے۔
