لاہور: شہباز شریف فیملی کے خلاف 16 ارب روپے منی لانڈرنگ کیس میں عدالت نے سلیمان شہباز اور طاہر نقوی کو بطور ملزم ٹرائل میں طلب کر لیا۔
تفصیلات کے مطابق ایف آئی اے سینٹرل کورٹ کے جج بخت فخر بہزاد نے شہباز شریف فیملی کے خلاف 16 ارب روپے منی لانڈرنگ کیس کی سماعت کے بعد تحریری فیصلہ جاری کرتے ہوئے سلیمان شہباز اور طاہر نقوی کو بطور ملزم طلب کر لیا ہے۔
عدالت نے دونوں ملزمان کو 50 ہزار کے مچلکے جمع کروانے کا حکم دے دیا۔
عدالت نے قرار دیا کہ سلیمان شہباز اور طاہر نقوی کے خلاف مواد موجود ہے، تفتیشی افسر نے 113 گواہان اور دستاویزی شواہد کو نظر انداز کر کے ملزمان کو بے گناہ کیسے قرار دیا۔
عدالت نے حکم دیا کہ آٸندہ سماعت پر متعلقہ افسران ضروری دستاویزات جمع کرواٸیں، سلیمان شہباز اور طاہر نقوی پچاس پچاس ہزار کے ضمانتی مچلکے جمع کرواٸیں۔
عدالت نے 4 مارچ کو ملزمان کو سمن کرتے ہوئے ٹراٸل میں پیشی کے لیے طلب کر لیا، واضح رہے کہ ایف آٸی اے نے اس کیس میں سلیمان شہباز کو کلین چٹ دے دی تھی، ایف آٸی کے مطابق سلیمان شہباز کے خلاف منی لانڈرنگ کا کوٸی ثبوت نہیں ملا۔
