حلب: شام اور ترکیہ میں آنے والے بدترین زلزلے نے دونوں ممالک کو درد بھری کہانیوں سے بھر دیا ہے، بچوں اور بڑوں کی ایک کے بعد ایک دل دہلا دینے والی ویڈیو سامنے آ رہی ہے۔
اب ایک شامی لڑکے کی ویڈیو منظر عام پر آ گئی ہے جس میں ایک نو عمر لڑکا اپنے تباہ شدہ گھر کے ملبے تلے دبا ہوا ہے، اور ایسے میں وہ اپنے موبائل فون سے اپنی حالت کو ریکارڈ کر رہا ہے۔
شامی لڑکے کو ویڈیو میں سنا جا سکتا ہے، جس میں وہ کہہ رہا ہے ’’پتا نہیں میں زندہ رہوں گا یا مر جاؤں گا۔‘‘
شامی لڑکے نے کہا ’’مجھے نہیں پتا کہ ایسی صورت حال میں گھرے کسی شخص کے احساسات کو کیسے بیان کیا جائے۔‘‘ لڑکے نے ملبے تلے دبے کمرے کی حالت بھی دکھائی، اس دوران ملبہ بھی گرا جو حقیقتاً کسی کے لیے بھی دہشت ناک ہو سکتا ہے۔
A Syrian boy has filmed himself trapped with others under rubble caused by Monday’s earthquakes ⤵️
🔴 LIVE updates: https://t.co/Y1JQ0iD6lg pic.twitter.com/m6eZKz2gn7
— Al Jazeera English (@AJEnglish) February 7, 2023
لڑکے نے بتایا کہ عمارت میں دو، تین یا چار خاندان آباد تھے، اللہ ہماری مدد کرے، جو صورت حال ہے میں اس کے بارے میں ٹھیک سے کچھ نہیں بتا پا رہا ہوں۔
شام اور ترکیہ کو ملانے والی سڑک بھی تباہ، عالمی امداد کی ترسیل میں رکاوٹ
واضح رہے کہ شام اور ترکی میں پیر کے روز آنے والے زلزلے میں جاں بحق افراد کی تعداد 15 ہزار سے بڑھ گئی ہے، اور تاحال ہزاروں شہری ملبے تلے دبے امداد کے منتظر ہیں۔
