ابوظبی: ٹی 10 لیگ کے میچ میں دکن گلیڈی ایٹرزنے بنگلا ٹائیگرز کو 62 رنز سے باآسانی شکست دے دی۔
تفصیلات کے مطابق ابوظبی کے شیخ زید اسٹیڈیم میں کھیلے جانے والے میچ میں دکن گلیڈی ایٹرز کی جانب سے دیے جانے والے 141 رنز کے تعاقب میں بنگلا ٹائیگرز کی ٹیم 78 رنز پر ہمت ہار گئی۔
ٹام کوہلر کیڈمور نے ٹی 10 لیگ کی سب سے بڑی انفرادی اننگز کھیلی، انہوں نے 39 گیندوں پر 96 رنز بنائے۔
9️⃣6️⃣ runs
3️⃣9️⃣ balls
1️⃣2️⃣ fours
5️⃣ sixesTom Kohler-Cadmore is the Player of the match! 👏#AbuDhabiT10 #InAbuDhabi #CricketsFastestFormat pic.twitter.com/eIsJ93eXoR
— T10 League (@T10League) December 1, 2021
وندو ہسارنگا نے شاندار بولنگ کرتے ہوئے دو اوورز میں 5 کھلاڑیوں کو پویلین کی راہ دکھائی۔
اس سے قبل دکن گلیڈی ایٹرز نے 1 وکٹ کے نقصان پر 140 رنز بنائے تھے، ٹام کوہلر 96 اور آندرے رسل نے 26 رنز اسکور کیے تھے۔دونوں کھلاڑیوں نے پہلی وکٹ پر 128 رنز کی شراکت بنائی تھی۔
دکن گلیڈی ایٹرز نے کامیابی کے ساتھ پوائنٹس ٹیبل پر پہلی پوزیشن حاصل کرلی۔
دہلی بلز کے ہاتھوں چنئی بریوز کو شکست
دوسرے میچ میں دہلی بلز نے چنئی بریوز کو دس وکٹوں سے آؤٹ کلاس کردیا۔
چنئی نے پہلے بیٹنگ کرتے ہوئے 80 رنز بنائے، دہلی نے 81 رنز کا ہدف پانچویں اوورز میں مکمل کرلیا، رحمان اللہ گرباز نے صرف 14 گیندوں پر نصف سنچری بنا کر ٹیم کو کامیابی دلوانے میں اہم کردار ادا کیا۔
Rahmanullah Gurbaz hits the fastest 5️⃣0️⃣ of #Season5, just 14 balls 🤯#AbuDhabiT10 #InAbuDhabi #CricketsFastestFormat pic.twitter.com/Aa32h2bl5v
— T10 League (@T10League) December 1, 2021
