پاکستان کرکٹ ٹیم کے سابق کپتان اور سوئنگ کے سلطان وسیم اکرم نے کہا ہے کہ ٹی ٹوئنٹی فارمیٹ میں بولر کے پاس مختلف آپشنز ہونے چاہیئں۔
اے اسپورٹس کے پروگرام میں اظہار خیال کرتے ہوئے کرکٹ لیجنڈ نے کراچی کنگز کے ڈینئل سیمز کے حوالے سے بتایا کہ ان کے پاس اچھی ویریشن ہے وہ مخلتف طرح کی گیندیں کرنا جانتے ہیں۔ وسیم اکرم نے کہا کہ ڈینئل نے انھیں بتایا کہ جب وہ ایک بار فیصلہ کرلیتے ہیں کہ میں نے یہ بال کرنی ہے تو پھر میرے ذہن میں اس حوالے سے کوئی شک نہیں آتا۔
سوئنگ کے سلطا کا ٹی ٹوئنٹی فارمیٹ کے حوالے سے گیند بازوں کو مشورہ دیتے ہوئے کہنا تھا کہ بحیثیت بولر ان کے پاس دو تین آپشنز ہونے چاہیئں کیوں کہ بیٹر اس طرز میں مختلف جگہوں پر شارٹ کھیلتے ہیں۔
انھوں نے اپنے بولنگ خیالات کے بارے میں بتاتے ہوئے مزید کہا کہ میری دوسری تھیوری ہے کہ میں فیصلہ تو کروں گا کہ کونسی بال کرنی ہے مگر ٹی ٹوئنٹی میں میرے پاس دو آپشن اور بھی ہونگے۔
وسیم اکرم نے کہا کہ میں بیٹر کو دیکھوں گا کہ اس نے کرنا کیا ہے کیا وہ روم بنائے گا یا اندر جائے گا یا وہ کس سمت میں کھیلنے کا ارادہ کرے گا تو آپ کے پاس بولنگ کرتے ہوئے دو آپشن اور ہونے چاہیئں۔
سابق کپتان نے کہا کہ بولنگ کرواتے ہوئے آْپ کو بیٹر کو آخر تک دیکھنا ہے کہ کیوں کہ ٹی ٹوئنٹی فارمیٹ میں تو بیٹرز ادھر اُدھر پتہ نہیں کہاں کہاں جارہے ہوتے ہیں۔ اگر آپ ایک آپشن کے ساتھ جائیں گے تو اس فارمیٹ میں پھنس سکتے ہیں۔
وسیم اکرم نے یہ بھی بتایا کہ وہ بھی 5 ٹی ٹوئنٹی میچز کھیل چکے ہیں۔ 2003 میں ہمپشائر کی جانب سے انھیں یہ تجربہ حاصل ہوا۔ یہ گیم کافی جلد ختم ہوجاتی تھی۔
