ہوبارٹ: ٹی 20 ورلڈ کپ میں جنوبی افریقہ اور زمبابوے کا میچ بارش کے باعث منسوخ کردیا گیا اور دونوں ٹیموں کو ایک، ایک پوائنٹ دے دیا گیا۔
آئی سی سی ٹی 20 ورلڈ کپ کا 18واں میچ جنوبی افریقہ اور زمبابوے کے میچ کو بارش کے باعث 9 اوورز تک محدود کیا گیا تھا زمبابوے نے 5 وکٹوں کے نقصان پر 79 رنز بنائے اور پروٹیز کو جیت کے لیے 80 رنز کا ہدف دیا۔
- Advertisement -
جنوبی افریقہ کی اننگز سے قبل بارش کی وجہ سے ایک بار پھر میچ رکا اور 7 اوورز تک محدود کیا گیا۔
جنوبی افریقہ اننگز
پروٹیز کو 7 اوورز میں 64 رنز کا ہدف ملا جس کے تعاقب میں جنوبی افریقہ نے تین اوورز میں 51 رنز بنالیے تھے کہ پھر بارش شروع ہوگئی۔
کوئنٹن ڈی کوک نے 18 گیندوں پر 47 رنز بنائے اور ٹیمبا باووما نے 2 رنز بنائے۔