بھارتی شہر حیدرآباد کے تلنگانہ میں شب معراج کے موقع پر 8 فروری کو تعطیل کا اعلان کردیا گیا ہے۔
غیر ملکی ذرائع ابلاغ کے مطابق ریاستی حکومت نے اس سلسلہ میں باقاعدہ طور پر احکامات جاری کر دیے ہیں۔
اگرچہ کہ ریاستی حکومت کی تعطیلات کی فہرست میں شب معراج کو اختیاری تعطیل کے طور پر شامل کیا گیا تھا تاہم اسے عام تعطیل قرار دینے اعلان کیا گیا ہے۔
ریاستی حکومت کے احکامات کے مطابق 8 تاریخ کو سرکاری دفاتر اور اسکول بند رہیں گے۔
دوسری جانب سعودی کابینہ کی جانب سے سرکاری اداروں کے ملازمین کے لیے عید الفطر اورعید الاضحی کی تعطیلات میں ترمیم کردی گئی ہے۔
رپورٹ کے مطابق سعودی عرب میں عید الفطر اور عید الاضحی کی زیادہ سے زیادہ چھٹی پانچ دن کی ہو گی۔
سعودی کابینہ نے ہدایات جاری کیں کہ جو سرکاری ادارے تعطیلات کے حوالے سے اپنا خصوصی نظام مقرر کیے ہوئے ہیں وہ تعطیلات کے اپنے نظام میں ترمیم کریں۔
سعودی کابینہ کے مطابق عید الفطر اور عید الاضحی کی چھٹی کم سے کم چار اور زیادہ سے زیادہ پانچ دن ہوگی۔ اس پابندی میں ہفت روزہ تعطیلات شامل نہیں ہوں گی۔
8 فروری کو ملک بھر میں عام تعطیل کا اعلان
سعودی وزیر اطلاعات سلمان الدوسری کا کہنا تھا کہ کابینہ نے ملکی اور بین الاقوامی معاملات سے متعلق پندرہ قراردادیں جاری کی ہیں۔
