لٹل ماسٹر سچن ٹنڈولکر کی ویرات کوہلی کے حوالے سے 2012 میں کی گئی پیشگوئی سچ ثابت ہوگئی۔
بھارتی بیٹر ویرات کوہلی نے گزشتہ روز اپنی 35 ویں سالگرہ کے موقع پر جنوبی افریقہ کے خلاف سنچری اسکور کی جس کے بعد وہ ون ڈے میچوں میں 49 سنچریاں بنا کر لیجنڈ سچن ٹنڈولکر کے ہم پلہ ہو گئے، اس میچ میں وہ 121 گیندیں کھیل کر 101 رنز بنا کر ناٹ آؤٹ رہے۔
اس ریکارڈ کے بعد سوشل میڈیا پر بھارتی صارف نے سابق کرکٹر سچن ٹنڈولکر کی ایک ویڈیو شیئر کی، جس میں سچن کو ایک ایونٹ میں خوشگوار موڈ میں دیکھا جاسکتا ہے۔
" Prediction From March 2012"
Salman Khan:- "Can Anyone Break Your Record.?"
Sachin Tendulkar:- "I Think Those Who Can Are Sitting In This Room Only. Virat And Rohit Are The Ones."pic.twitter.com/QvR4cBWJl1
— RVCJ Media (@RVCJ_FB) November 6, 2023
صارف کے مطابق یہ ویڈیو مارچ 2012 کی ہے جس میں سچن ٹندولکر کو بھارت کے سابق کپتان ویرات کوہلی کے حوالے سے پیش گوئی کرتے ہوئے سنا جاسکتا ہے۔
ایونٹ میں بالی وڈ کے اداکار سلمان خان سچن سے سوال کرتے ہیں کہ کیا کوئی ایسا کرکٹر ہے جو آپ کا ریکارڈ توڑ سکتا ہے؟
کوہلی نے ٹنڈولکر کی سنچریوں کا ریکارڈ برابر کر دیا
جس پر سچن ٹنڈولکر نے کہا کہ ’میرے خیال میں ویرات کوہلی اور روہت شرما میرا ریکارڈ توڑ سکتے ہیں‘۔
اب ویرات کوہلی نے کولکتہ کی ایڈن گارڈن میں جنوبی افریقا کیخلاف ون ڈےکیریئر کی 49ویں سنچری بنا کر نا ہی سچن کا ریکارڈ برابر کیا بلکہ ٹنڈولکر کی پیش گوئی کو بھی سچ ثابت کردی۔
