تھائی لینڈ کے وزیراعظم پریوتھ چان نے حالیہ انتخابات میں اپنی جماعت کے شکست کے بعد سیاست سے ریٹائرمنٹ کا اعلان کر دیا ہے۔
غیر ملکی میڈیا کے مطابق تھائی لینڈ کے وزیراعظم پریوتھ چان نے سیاست سے ریٹائرمنٹ کا اعلان کر دیا ہے۔ ان کی پارٹی تھائی نیشنل یونائیٹڈ پارٹی کو مئی میں ہونے والے انتخابات میں شکست کا سامنا کرنا پڑا تھا۔
تاہم پریوتھ چان نئی حکومت کے قیام تک نگراں وزیراعظم کے فرائض انجام دیتے رہیں گے جس کے بعد وہ سیاست کے کوچے کو الوداع کہہ دیں گے۔
واضح رہے کہ 2014 میں تھائی لینڈ کے آرمی چیف پریوتھ چان اوچا نے منتخب حکومت کا تختہ الٹنے کے بعد اقتدار سنبھالا تھا جس کےبعد وہ 2019 میں فوج کے تیار کردہ نئے آئین کے تحت ہونے والے انتخابات کے بعد سویلین وزیراعظم بنے تھے۔
Comments
- Advertisement -
