لاہور: وزیراعظم شہبازشریف نے فوری طور پر لیگی قیادت کو اپنی رہائشگاہ پر طلب کر لیا۔
ذرائع کے مطابق وزیراعظم شہبازشریف وزیراعلیٰ کےاعتماد کے ووٹ پر ن لیگ کی حکمت عملی پر بازپرس کریں گے، وزیراعظم پارٹی رہنماؤں سےپنجاب اسمبلی کی تحلیل،آئندہ کی حکمت عملی پرمشاورت کریں گے۔
ذرائع کا کہنا ہے کہ اجلاس میں میاں نوازشریف کی وطن واپسی پر بھی تجاویز لی جائیں گی۔ گورنر پنجاب کی بھی وزیراعظم کی رہائشگاہ آمدکا امکان ہے۔
ذرائع کا کہنا ہے کہ جنیوا سے لاہور پہنچنے پر وزیراعظم نے سابق صدر آصف علی زرداری سے بھی ٹیلیفونک رابطہ کر کے پنجاب اسمبلی تحلیل کرنے کے معاملے پر تبادلہ خیال کیا گیا۔
پنجاب اسمبلی تحلیل کی سمری آنے پر گورنر پنجاب کی آئینی ماہرین سے مشاورت مکمل ہو گئی ہے۔ ذرائع کا کہنا ہے کہ گورنر پنجاب کا آج وزیراعلیٰ کی سمری پر دستخط کرنے کا امکان ہے۔ گورنر پنجاب کے دستخط کے بعد پنجاب اسمبلی آج رات تحلیل ہونے کا امکان ہے۔
واضح تہے کہ وزیراعلیٰ پنجاب پرویز الٰہی نے گزشتہ رات اسمبلی تحلیل کی سمری ارسال کی تھی۔