کئی ممالک کی اسٹاک مارکیٹیں اچانک مندی کا شکار

ایران اسرائیل کشیدگی کے نتیجے میں سعودی عرب، قطر، کویت اور اردن کی اسٹاک مارکیٹوں میں شدید مندی کا رجحان ہے۔

ایران کی اسرائیل کے خلاف جوابی کارروائی کے بعد سعودی عرب اسٹاک مارکیٹ انڈیکس میں 1.1 فیصد کمی ہوئی جب کہ قطر اسٹاک مارکیٹ میں 1.6 فیصد کمی دیکھی گئی۔

اردن اسٹاک مارکیٹ میں 5 فیصد کمی ہوئی ہے۔ کویت اسٹاک مارکیٹ میں بھی 1 فیصد کمی ریکارڈ کی گئی۔

مشرقِ وسطیٰ میں کشیدگی بڑھنے کی صورت میں اسٹاک مارکیٹ میں مندی بڑھنے کا امکان ہے۔ سرمایہ کار کشیدہ صورتحال میں محتاط رہتے ہوئے کاروبار سے گریز کر رہے ہیں۔

Comments