شادی کے موقع پر ہر انسان کی یہ خواہش ہوتی ہے کہ وہ اپنی زندگی کا سفر اس انداز میں شروع کرے کہ ہمیشہ کے لیے یادگار بن جائے۔

جس کے لئے نوجوان عجیب اور اچھوتے انداز اپنا رہے ہیں، مگراس امریکی جوڑے نے تو اپنی شادی کو یادگار بنانے کے لیے منفرد انداز اپنا ڈالا۔

جس نے سوشل میڈیا صارفین کو خوشگوار حیرت میں مبتلا کردیا ہے،شادی شدہ جوڑے کی ویڈیو سوشل میڈیا پر تیزی سے وائرل ہورہی ہے۔وائرل ویڈیومیں دیکھا جاسکتا ہے کہ ریان اور کمبرلے نامی اس نوجوان جوڑے نے یوٹاہ (امریکا) کے چار سو فٹ بلند پہاڑی سلسلے پراس لمحے کو یادگاربنانے کا انتخاب کیا۔شادی شدہ جوڑے کے اس مقام کا انتخاب کرنے کے ساتھ ساتھ ایک اور اسٹنٹ کیا وہ یہ کہ جہاں انہوں نے شادی کی وہ ایک نیٹ تھا، جسے نہایت مہارت کے ساتھ پہاڑیوں کی چوٹیوں کے ساتھ باندھا گیا تھا۔

بخیریت شادی ہونے پر جوڑے نے ایک دوسرے کو مبارک باد دی، اس موقع پران کے مشترکہ دوستوں نے بھی بیس جمپنگ کا مظاہرہ کرکے اس پرمسرت موقع کو مزید خوشگوار بنایا۔