کراچی : پاکستان میں سونے کی قیمت میں گزشتہ روز 2200 روپے اضافے کے بعد آج سینکڑوں روپے کی کمی ریکارڈ کی گئی ہے۔
تفصیلات کے مطابق عالمی منڈی میں سونے کے بھاؤ میں کمی کے بعد ملک بھر میں آج سونے کے فی تولہ نرخوں میں 1700 روپے کی کمی سامنے آئی ہے۔
آل پاکستان جیمز اینڈ جیولرز ایسوسی ایشن کے مطابق ملک میں 24 قیراط کا سونا 1700 روپے کے کمی کے بعد 2 لاکھ 50 ہزار 200 روپے فی تولہ ہوگیا۔
- Advertisement -
ایسوسی ایشن کے مطابق 1458 روپے کی کمی کے بعد 24 قیراط کا 10 گرام سونا 2 لاکھ 14 ہزار 506 روپے کا ہو گیا ہے۔
ایسوسی ایشن کے مطابق عالمی بازار میں سونے کا بھاؤ 17 ڈالرز کم ہو کر 2395 ڈالرز فی اونس ہو گیا۔
گزشتہ روز سونے کی فی تولہ قیمت 2200 روپے کا اضافہ دیکھا گیا تھا جس کے بعد سونے کی قیمت 2لاکھ 51900 روپے ریکارڈ کی گئی تھی۔
