اسلام آباد: فوجی عدالتوں میں سویلین کے ٹرائل کے حوالے سے کیس کی سماعت آج سپریم کورٹ میں ہوگی۔
تفصیلات کے مطابق فوجی عدالتوں میں سویلین کے ٹرائل کے کیس میں درخواستوں پر سپریم کورٹ کا 7 رکنی بنچ آج سماعت کرے گا۔
وزیر اعظم شہباز شریف نے سابق وزیر قانون فروغ نسیم کی خدمات حاصل کر لی ہیں، عدالت عظمیٰ نے وزیر اعظم، وزیر داخلہ رانا ثنااللہ، وزیر دفاع خواجہ آصف، چاروں صوبوں کے وزرائے اعلیٰ، اٹارنی جنرل اور چیئرمین پی ٹی آئی کو نوٹس جاری کیے تھے۔
- Advertisement -
آج ہونے والی سماعت میں وزیر اعظم کی جانب سے فروغ نسیم لارجر بینچ کے سامنے پیش ہوں گے، وزیر دفاع خواجہ آصف کی نمائندگی عرفان قادر کریں گے، جب کہ وزیر داخلہ رانا ثنااللہ کی طرف سے شاہ خاور وکیل ہوں گے۔