The news is by your side.

Advertisement

کیا میں نے کم جانگ ان کو ’چھوٹا اور موٹا‘ کہا؟

واشنگٹن : امریکی صدر ڈونلڈ ٹرمپ اور شمالی کوریا کے سربراہ کم جانگ کے درمیان زبانی جنگ جاری ہے‘ ڈونلڈٹرمپ کا کہنا ہے کہ میں نے انہیں کبھی ’چھوٹا اور موٹا‘ نہیں کہا۔

تفصیلات کے مطابق سماجی رابطے کی ویب سائٹ ٹویٹر پر جاری کردہ پیغام میں امریکی صدر نے شمالی کوریا کے سربراہ کی جانب سے انہیں ’بوڑھا کہنے پر افسوس کا اظہار کیا ہے۔

امریکی صدر نے اپنے ٹویٹر پیغام میں کہا کہ’ کم جانگ مجھے ’بوڑھا ‘کہہ کر کیسے میری بے عزتی کرسکتے ہیں ،کیا میں نے کبھی انہیں چھوٹا اور موٹا کہا ہے‘۔

Trump

ڈونلڈ ٹرمپ نے یہ بھی کہا کہ’ انہوں نے کم جانگ کا دوست بننے کی بہت کوشش کی ‘ امید ہے ایک دن آئے گا جب ہم دوست بن جائیں گے ‘۔

پاگل بڈھے کو نکالو ورنہ تباہی کے لیے تیار ہوجاؤ*

یاد رہے کہ چار روز قبل شمالی کوریا کے سربراہ نے امریکی صدر ڈونلڈ ٹر مپ کو ’پاگل بوڑھا‘قرار دیا تھا، شمالی کوریا نے امریکا کو دھمکی دیتے ہوئے کہا تھا کہ پاگل بوڑھے شخص‘کو صدارت سے ہٹایا جائے ورنہ واشنگٹن تباہی کے لیے تیار ہو جائے۔

کم جانگ ان نے یہ بھی کہا تھا کہ ڈونلڈ ٹرمپ کی وجہ سے دنیا ایک عجیب و غریب صورت حال سے گزر رہی ہے، امریکہ ڈونلڈ ٹرمپ کو فوری طور پر برطرف کر کے شمالی کوریا کے خلاف پالیسی ترک کرے اور تباہی کی دلدل میں پھنسنے سے بچے۔

امریکی صدر ڈونلڈ ٹرمپ ان دنوں ایشیائی ممالک کے دورے پر ہیں اور اس سلسلے میں چین اور روس کے صدر سے اہم ملاقاتیں کرچکے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں