واشنگٹن : امریکی صدرڈونلڈ ٹرمپ کا ٹوئٹراکاؤنٹ بند ہونے کے واقعے کے بعد سماجی رابطے کی ویب سائٹ نے نئے حفاظتی اقدامات کرلئے۔
تفصیلات کے مطابق سماجی رابطے کی ویب سائٹ ٹوئٹر نے امریکی صدر ڈونلڈ ٹرمپ کا اکاؤنٹ بند ہونے کے واقعہ کے بعد نئے حفاظتی اقدامات کرلئے، ٹوئٹرکی جانب سے بیان میں کہا گیا ہے کہ مستقبل میں ایسے واقعات کوروکنے کے لئے فوری طورپرنئے حفاظتی اقدامات کئے گئے ہیں۔
انتظامیہ کا کہنا ہے کہ صدرٹرمپ کا اکاؤنٹ بند ہونے کے معلومات کی تحقیقات اورسیکورٹی اقدامات کی تفصیل شئیر نہیں کی جائیں گی، معاملے کوسنجیدگی سے لیا ہے اورہماری ٹیمیں اس بارے میں کام کررہی ہیں۔
Update: We have implemented safeguards to prevent this from happening again. We won’t be able to share all details about our internal investigation or updates to our security measures, but we take this seriously and our teams are on it. https://t.co/8EfEzHvB7p
— Twitter Government (@TwitterGov) November 3, 2017
یاد رہے کہ ٹوئٹر کے ایک اہلکارنے ملازمت کے آخری روزصدرٹرمپ کا اکاؤنٹ بند کردیا تھا اور ٹرمپ کا ٹویٹر اکاؤنٹ پورے گیارہ منٹ تک بند رہا، اس دوران صدرٹرمپ کے اکاؤنٹ پرمعذرت یہ پیج موجود نہیں ہے کا پیغام دکھائی دیتا رہا تھا۔
مزید پڑھیں : صدرٹرمپ کا ٹویٹراکاؤنٹ11منٹ کے لئے بند
بعد ازاں ٹوئٹر انتظامیہ نے غلطی کا اعتراف کرتے ہوئے ایسے ایک ملازم کی غلطی قرار دیا تھا اور کہا تھا جس اہلکارنے ٹرمپ کا اکاؤنٹ بند کیا تھا، وہ اس کی ملازمت کا آخری دن تھا اور مزید تفتیش کررہے ہیں۔
خیال رہے کہ صدرٹرمپ ٹویٹر پر بہت متحرک ہیں اوران کو فالو کرنے والوں کی تعداد چار کروڑسے زائد ہے۔ ٹرمپ نے 2009 میں ٹویٹر اکاؤنٹ بنایا تھا۔
