دبئی: متحدہ عرب امارات نے دوسرے ٹی 20 میچ میں نیوزی لینڈ کو اپ سیٹ شکست دے دی۔
دبئی میں کھیلے گئے میچ میں نیوزی لینڈ نے پہلے بیٹنگ کرتے ہوئے مقررہ اوورز میں 8 وکٹوں کے نقصان پر 142 رنز بنائے، یو اے ای نے مطلوبہ ہدف 15.4 اوورز میں تین وکٹوں کے نقصان پر حاصل کرلیا۔
یو اے ای کی کامیابی کے بعد تین میچز کی سیریز 1-1 سے برابر ہوگئی۔
The moment UAE defeated New Zealand and squared the three-match T20I series 1-1
🇦🇪🏏 pic.twitter.com/Heygr0Puu9— UAE Cricket Official (@EmiratesCricket) August 19, 2023
میزبان ٹیم کے ایان افضل خان کو تین وکٹیں حاصل کرنے پر میچ کا بہترین کھلاڑی قرار دیا گیا۔
نیوزی لینڈ کے مارک چیمپن کی 63 رنز کی اننگز رائیگاں گئی، مچل سینٹنر ایک رن بنا کر پویلین لوٹ گئے، جمی نیشم 21 رنز بنا کر آؤٹ ہوئے۔
یو اے ای کی جانب سے ایان افضل خان نے تین کھلاڑیوں کو پویلین کی راہ دکھائی، محمد جواد اللہ نے دو وکٹیں حاصل کیں۔
WHAT A WIN! 🔥
UAE beat New Zealand by seven wickets to level the series in stunning fashion 🙌#UAEvNZ 📝: https://t.co/IFbq94Tfhb pic.twitter.com/yId7QP86b6
— ICC (@ICC) August 19, 2023
متحدہ عرب امارات کی جانب سے کپتان محمد وسیم نے 55 رنز کی شاندار اننگز کھیلی، آصف خان 48 رنز کے ساتھ ناٹ آؤٹ رہے، ورتیا اروند 25 رنز بنا کر آؤٹ ہوئے۔
نیوزی لینڈ کی جانب سے ٹم ساؤتھی، مچل سینٹنر اور کائل جیمی سن ایک، ایک وکٹ حاصل کرسکے۔