نیویارک : اقوام متحدہ نے کالعدم تحریک طالبان پاکستان کے سربراہ  نور ولی محسود پرپابندیاں عائد کردیں اور ان کے اثاثے بھی منجمد کردئیے ہیں۔

تفصیلات کے مطابق اقوام متحدہ نے کالعدم تحریک طالبان پاکستان کے مرکزی رہنما نور ولی محسود پرپابندیاں عائدکردیں، پابندیاں القاعدہ سے تعلق پر کی بنیاد پر لگائی گئی ہیں۔

ذرائع کا کہنا ہے کہ نورولی محسود اقوام متحدہ کی دہشت گردگروہوں کی فہرست میں شامل ہے، اقوام متحدہ نے نورولی محسود پر سفری پابندیاں عائد کرکے ان کے اثاثے بھی منجمد کردئیے ہیں۔

یاد رہے گذشتہ سال ستمبر میں امریکا نے کالعدم تنظیم تحریک طالبان نئی پابندیاں لگاتے ہوئے تنظیم کے تمام اثاثے اور جائیدادیں منجمد کردیئے جبکہ رہنما نور ولی کو عالمی دہشت گردوں کی فہرست میں شامل کرلیا تھا، نور ولی کی سربراہی میں کالعدم ٹی ٹی پی نے پاکستان میں حملے کئے۔

مزید پڑھیں : امریکا نے کالعدم تحریک طالبان پرنئی پابندیاں لگا دیں

امریکی محکمہ خارجہ کے مطابق پابندیاں صدر ٹرمپ کے ایگزیکیٹو آرڈر کے تحت لگائی گئیں۔

خیال رہے 2018 میں تحریک طالبان پاکستان نے پہلی بار اپنے سربراہ مولوی فضل اللہ کی موت کی تصدیق کرتے ہوئے کہا تھا کہ فضل اللہ امریکی حملے میں مارا گیا ہے اورتنظیم کے شوریٰ کونسل نے مفتی نور ولی محسود کو فضل اللہ کی جگہ نیا سربراہ منتخب کیا تھا۔