واشنگٹن : امریکی رکن کانگریس بریڈ شرمین کا کہنا ہے کہ عمران خان سے ڈیل کرنا مشکل اور شہبازشریف سےڈیل کرنا آسان ہے۔
تفصیلات کے مطابق امریکی ایوان نمائندگان میں امریکی رکن کانگریس بریڈ شرمین نے خطاب کرتے ہوئے کہا کہ پاکستان میں ہونے والے تازہ واقعات پر بات کرنا چاہتاہوں، فیصلہ سپریم کورٹ کا ہے اور حتمی ہے۔
امریکی رکن کانگریس کا کہنا تھا کہ پاکستان میں جمہوریت اور قانون کی حکمرانی کےخواہشمندہیں لیکن اس پرسوالیہ نشان ہے۔
اعلیٰ عدلیہ کے انتخابات سے متعلق فیصلے پر بریڈ شرمین نے کہا کہ سپریم کورٹ نے دو صوبوں میں انتخابات کا حکم دیا، سپریم کورٹ کا فیصلہ حتمی ہےاس پر اپیل نہیں کی جاسکتی۔
ان کا مزید کہنا تھا کہ سپریم کورٹ نے حکم دیا ہے فنڈز جاری کیے جائیں تاکہ انتخابات ہوسکیں، پاکستان میں قومی انتخابات کا انعقاد اکتوبر میں ہوناہے اور پاکستان کیلئےمقررہ وقت پرصاف و شفاف انتخابات کرانا انتہائی ضروری ہے۔
امریکی رکن کانگریس نےدعویٰ کیا عمران خان سےڈیل کرنامشکل اور شہبازشریف سے ڈیل کرنا آسان ہے۔
بریڈ شرمین نے کہا کہ انسانی حقوق اورآزادی اظہار رائے کی آزادی ہونی چاہیے، امریکا کو کچھ لوگوں کے گمشدہ ہونے پرتشویش ہے۔
