آسکر ایوارڈ یافتہ گانے ’ناٹو ناٹو‘ نے امریکی پولیس اہلکاروں کو بھی جھومنے پر مجبور کردیا۔
امریکا میں گزشتہ دنوں منعقدہ آسکرز 95ویں اکیڈمی ایوارڈز کی تقریب میں ناٹو ناٹو کو اوریجنل گانے کے اعزاز سے نوازا گیا، اس سے قبل اس گانے نے گولڈن گلوب اور کریٹکس چوائس ایوارڈ بھی اپنے نام کئے۔
سپر ہٹ نمبر پر ڈانس کرنے والے سوشل میڈیا صارفین کی ویڈیوز بھی سوشل میڈیا پر خوب دھوم مچا رہی ہیں، آپ چاہے ہانیہ عامر کی مثال لے لیں یا پھر جاپانی ٹک ٹاکرز کی یا پھر حال ہی میں سوشل میڈیا پر وائرل ہونے والے امریکی پولیس آفیسرز کی جو اس گانے پر ڈانس کرتے دکھائی دے رہے ہیں۔
مائیکرو بلاگنگ سائٹ ٹوئٹر پر صارف نے امریکی ریاست ٹیکساس میں ریکارڈ کی گئی امریکی پولیس آفیسرز کی ویڈیو شیئر کی ہے جو ’ناٹو ناٹو‘ پر ڈانس کر رہے ہیں۔
#California cops are enjoying the the #NaatuNaatu song.🙌🙌🤙🤙 Naatu naatu is everywhere #RamCharan #NTR #RRRMovie #SSRajamouli #RRRForOscars #RRR #GlobalStarRamCharan #NTRGoesGlobal #Oscars #Oscars2023 #letsdance pic.twitter.com/rjRQMrjoTs
— nenavath Jagan (@Nenavat_Jagan) March 11, 2023
ایسا لگتا ہے کہ یہ ویڈیو ہولی کے روز لی گئی ہے کیونکہ لوگ رنگوں اور گلالوں میں بھیگتے نظر آرہے ہیں، جبکہ اس ویڈیو کلپ میں ایک آدمی کو بھی دیکھا جاسکتا ہے جو پولیس آفیسرز کو اس گانے کے مشہور اسٹیپس سیکھا رہا ہے اور پولیس والے مقبول گانے کی اسٹیپس کو فوری سیکھ لیتے ہیں۔
نیناوت جگن کی یہ ویڈیو دیکھتے ہی دیکھتے اتنی وائرل ہوئی کہ اسے 5 لاکھ 82 ہزار صارفین اب تک دیکھ اور پسند کرچکے ہیں اور اس پر کمنٹس بھی کررہے ہیں۔
