لال بیگ سے خوفزدہ امریکی خاتون کا انوکھا احتجاج
The news is by your side.

Advertisement

لال بیگ سے خوفزدہ امریکی خاتون کا انوکھا احتجاج

ٹیکساس: لال بیگ اور کیڑے مکوڑوں سے خوفزدہ امریکی خاتون نے حکومتی نااہلی کے خلاف انوکھے انداز میں احتجاج کیا اور خود ہی لال بیگ بن گئیں۔

تفصیلات کے مطابق امریکی خاتون نے حکومتی نااہلی کو اجاگر کرنے کے لیے متعدد بار شکایات درج کیں لیکن کوئی شنوائی نہ ہوئی تو انہوں نے انوکھے طرز کا احتجاج کیا تاکہ مسئلہ حل ہوجائے۔

ویسے تو کیڑے مکوڑوں سے پریشان لوگ انہیں ختم کرنے کے لیے مختلف ادویات کا استعمال کرتے ہیں مگر امریکی خاتون نے خود تو کچھ نہ کیا بلکہ حکومت کے رحم و کرم پر ہی رہیں۔

امریکی ریاست ٹیکساس میں بلدیاتی اداروں کی کارکردگی سے متعلق اجلاس کا انعقاد کیا گیا تو مذکورہ خاتون وہاں لال بیگ کا کاسٹیوم زیب تن کر کے پہنچ گئیں اور شدید احتجاج کیا۔

خاتون کا کہنا تھا کہ ’میں نے کچھ روز قبل باغیچے میں پودا لگایا تو اُس کی وجہ سے میرے گھر میں مچھر، لال بیگ اور دیگر کیڑے مکوڑے آنے لگے‘۔

امریکی خاتون شہری کا کہنا تھا کہ مقامی حکومت کو متعدد بار شکایات درج کروائیں مگر کوئی شنوائی نہ ہوئی، اگر میرے مسئلے کو حل نہ کیا گیا تو احتجاجاً گھر کے باہر یہی لباس پہن کر بیٹھی رہوں گی۔

کونسل کے سربراہ نے خاتون کو مسئلہ حل کرنے کی تسلی دیتے ہوئے متعلقہ محکمےکو شکایت دور کرنے کی ہدایت کی۔

Comments

comments

یہ بھی پڑھیں