بھارتی شہر چنائی میں ایک منفرد اے ٹی ایم متعارف کرایا ہے جس کے اندر سے کرنسی نوٹ نہیں بلکہ گرما گرم بریانی نکلتی ہے۔
اے ٹی ایم کا نام ذہن میں آتے ہی ہر شخص بالخصوص بینک صارفین کے ایک ہی منظر نگاہوں میں گھومتا ہوگا کہ اے ٹی ایم مشین میں کارڈ ڈالیں گے تو اندر سے کرنسی نوٹ باہر نکلیں یا زیادہ سے زیادہ اس سے آن لائن ٹرانزیکشن اور بلوں کی ادائیگی کی جائیگی تاہم اب ایسی اے ٹی ایم مشین متعارف کرائی گئی ہے جو پیسوں کے بجائے گرما گرم بریانی فراہم کرتی ہے۔
انڈین میڈیا رپورٹ کے مطابق بھارت کے شہر چنائی میں ایک ایسی اے ٹی ایم سروس متعارف کرائی گئی ہے جو دیگر اے ٹی ایمز کی طرح کرنسی نوٹ نہیں دیتی تاہم اس کے ذریعے آپ لذیذ گرما گرم بریانی ضرور حاصل کرسکتے ہیں۔
چنائی میں ابتدائی طور پر یہ مشین تین مقامات پر نصب کی گئی ہے اور اس حوالے سے سوشل میڈیا پر ایک ویڈیو بھی شیئر کی گئی ہے جس میں بتایا گیا ہے کہ یہ اے ٹی ایم کس طریقے سے کام کرتا ہے۔
سوشل میڈیا پر وائرل ہونے والی اس ویڈیو میں مشین کا ایک ٹچ اسکرین ڈسپلے پینل دکھایا گیا ہے جس میں اپنی پسند کی چیز حاصل کرنے کے لیے کئی آپشنز موجود ہیں۔
ویڈیو میں دیکھا جا سکتا ہے کہ ایک گاہک بریانی کا انتخاب کرتا ہے اور آن لائن موڈ کے ذریعے اس کی ادائیگی کرتا ہے اور پھر مشین کا ایک دروازہ کھول کر اندر سے گرما گرم بریانی کے پیکٹ حاصل کرتا ہے۔
بریانی کے آرڈر کی تیاری میں جتنا وقت لگتا ہے، اتنی دیر تک ڈسپلے چکمتا رہتا ہے پھر اسکرین پر الٹی گنتی دکھائی جاتی ہے۔ الٹی گنتی مکمل ہونا اس بات کی نشانی ہوتا ہے کہ آپ کا آرڈر تیار ہے جس کے بعد صارف مشین کا دروازہ کھول کر اپنی پسند کے ذائقے کی بریانی وہاں سے حاصل کرلیتا ہے۔
View this post on Instagram
اے ٹی ایم مشین سے بریانی ملنے کی اطلاع ملتے ہی بریانی کے شوقین افراد نے ریڈ ہلز روڈ، سومناتھ پور اور کولاتھور میں نصب اے ٹی ایمز پر دوڑیں لگا دیں اور وہاں لوگوں کا جم غفیر لگ گیا جو سب بریانی کھانے آئے تھے۔