بھارت میں بھانجے کی شادی میں ڈانس کرتے ہوئے ماموں چل بسا جس کی ویڈیو منظرعام پر آگئی ہے۔
شادی کی تقریبات کے دوران قریبی عزیز اور رشتے داروں کی جانب سے ہلہ گلہ کیا جاتا ہے اور اس دوران بعض اوقات افسوسناک واقعات بھی پیش آتے ہیں۔
ایسی ہی ایک ویڈیو بھارتی ریاست راجستھان سے سامنے آئی ہیں جہاں بھانجے کی بارات میں ’مٹکا ڈانس‘ کرتے ہوئے مبینہ طور پر ماموں دل کا دورہ پڑنے سے چل بسا۔
مذکورہ شخص کی اچانک موت کے بعد شادی کے گھر میں صف ماتم بچھ گئی۔
ویڈیو میں دیکھا جاسکتا ہے کہ بھانجے کی شادی میں ماموں سر پر پانی سے بھرا مٹکا رکھے ڈانس کررہا ہے جبکہ اس دوران چند خواتین بھی موجود ہیں۔
शादी में मटका डांस करते समय हुई व्यक्त की मौत। यह घटना राजस्थान के झुंझुनू जिले की नवलगढ़ तहसील की है। pic.twitter.com/mtaHXEbFYV
— Priya singh (@priyarajputlive) April 26, 2024
اچانک ہی وہ زمین پر گر گیا، موقع پر موجود لوگوں نے اسے قریبی اسپتال منتقل کیا جہاں ڈاکٹروں نے اس کی موت کی تصدیق کردی۔
متوفی کی شناخت کملیش ڈھاکہ کے نام سے ہوئی جبکہ ڈاکٹرز کا کہنا ہے کہ اس کی موت دل کا دورہ پڑنے سے ہوئی ہے۔
