آئی سی سی ورلڈ کپ کے وارم اپ میچ میں نیوزی لینڈ کے خلاف پاکستان کی شکست پر نامور بھارتی صحافی وکرانت گپتا نے پاکستان کی ناقص فیلڈنگ اور بالنگ پر سوال اٹھادیا۔
نامور بھارتی اسپورٹس جرنلسٹ وکرانت گپتا نے سماجی رابطے کی سائٹ ٹوئٹر (ایکس) پر ٹوئٹ کرتے ہوئے لکھا کہ پاکستان اسی فیلڈنگ/کیچنگ اور اسپن اٹیک سے اچھی ٹیموں کے خلاف بڑے مقابلے میں جیت کیلئے بہت جدوجہد کرے گا۔
Spinners will have a big role to play in the first half this World Cup. Maybe it will change once you play in venues that will see dew mid October onwards. #ICCCricketWorldCup
— Vikrant Gupta (@vikrantgupta73) September 29, 2023
نامور بھارتی اسپورٹس جرنلسٹ وکرانت گپتا کا کہنا تھا کہ پاکستان کو ابتدائی 10 اوورز میں نئی گیند کے ساتھ اپنے فاسٹ بولرز پر انحصار کرنا پڑے گا، ورنہ وہ بیک فٹ پر چلے جائیں گے، پاکستان کی موجودہ ٹیم میں کوئی بھی حریف دباؤ ڈالتا ہے تو یہ دفاعی انداز میں چلے جاتے ہیں۔
Pakistan will struggle to win crunch games against good teams with this fielding/catching and spin attack. They tend to go on the defensive if the other team counter attacks. Depend so much on their faster bowlers with the new ball in the first 10 overs. Else they go on the back…
— Vikrant Gupta (@vikrantgupta73) September 29, 2023
بھارتی صحافی نے کہا کہ بھارت میں شیڈول ورلڈکپ کے پہلے مرحلے میں میچز کے دوران اسپنرز کا بہت بڑا کردار ہوگا، ہوسکتا ہے کہ آپ اکتوبر میں دیگر مقامات پر کھیلیں تو اوس کی وجہ سے کنڈیشنز میں تبدیلی آئے لیکن پاکستان کو بالنگ اور فیلڈنگ پر کام کرنے کی ضرورت ہے۔
وکرانت گپتا نے کہا کہ پاکستان کا موجودہ اسپن اٹیک انکی کمزوری ہے، انہوں نے کہا کہ نیوزی لینڈ کے خلاف میچ میں شاداب خان نے اوورز کیوں نہیں کروائے مجھے سمجھ نہیں آیا۔
