بھارت میں شادی بیاہ کے دوران مضحکہ خیز واقعات کی ویڈیو اکثر سوشل میڈیا کی زینت بن جاتی ہیں جسے دیکھ کر لوگ دنگ رہ جاتے ہیں۔
ایسی ہی ایک ویڈیو سوشل میڈیا پر وائرل ہورہی ہے ریاست بہار کے ضلع نالاندا میں دلہا اور دلہن کی شادی کی تقریب چل رہی ہے دلہے میاں کو بس دلہن کو ہار پہنانا تھا اور اس کی مانگ میں سندور بھرنا باقی رہ گیا تھا۔
لیکن اسی دوران دلہن کا عاشق آگیا اور اس نے دلہے کو ہار پہنانے کا موقع ہی نہ تھا اور خود ہی محبوبہ کو ناصرف ہار پہنایا بلکہ اس کی مانگ میں سندور بھی بھر دیا۔
عاشق کو محبوبہ کو ہار پہنانے کا یہ انداز باراتیوں کو ایک آنکھ نہ بھایا اور اس کی جم کر دھلائی کردی۔
بھارتی میڈیا کے مطابق نوجوان کو اتنی بری طرح مارا گیا کہ اس طبی امداد کے لیے اسپتال منتقل کرنا پڑ گیا۔
سوشل میڈیا صارفین کی جانب سے ویڈیو پر تبصرے کیے جارہے ہیں اور کئی صارفین نے اسے بالی ووڈ فلموں سے تشبیہ دی۔
