بھارتی کرکٹ ٹیم کے سابق کپتان ویرات کوہلی نے قومی ٹیم کے کپتان بابر اعظم کی ٹویٹ کا جواب دے دیا۔
گزشتہ دنوں بابر اعظم نے سوشل میڈیا پر اپنی ویرات کوہلی کے ساتھ ٹی 20 ورلڈ کپ کی تصویر شیئر کرتے ہوئے ویرات کے لیے لکھا تھا کہ ’مضبوط رہیں، یہ وقت بھی گزر جائے گا۔‘
بھارت کے اسٹار بیٹر ویرات کوہلی ان دنوں ناقص کارکردگی کی وجہ سے تنقید کی زد میں ہیں۔
گزشتہ دنوں بھارتی کرکٹ بورڈ نے دورہ ویسٹ انڈیز کیلئے آؤٹ آف فارم ویرات کوہلی کو ٹیم سے باہر کیا۔
بھارتی میڈیا کے مطابق سابق کپتان ویرات کوہلی کو دورہ ویسٹ انڈیز کیلئے آرام دے دیا گیا ہے، پہلے وہ آؤٹ آف فارم تھے تاہم اب فٹنس مسائل سے دوچار ہیں۔
اب بابر کی ٹوئٹ پر ویرات کوہلی کا جواب آیا ہے۔
ویرات کوہلی نے بابر کی ٹوئٹ پر جواب دیتے ہوئے لکھا کہ ’شکریہ، چمکتے رہیں اور بلندی حاصل کرتے رہیں، آپ کیلئے میری نیک تمنائیں ہیں۔‘
Thank you. Keep shining and rising. Wish you all the best 👏
— Virat Kohli (@imVkohli) July 16, 2022
