بھارتی کرکٹ ٹیم کے سابق کپتان ویرات کوہلی اپنی سنچری کیلئے خود غرض بن گئے، جس پر شائقین کرکٹ کی جانب سے تنقید کا سلسلہ جاری ہے۔
اتوار کو آئی سی سی ورلڈ کپ کا 21 واں میچ دھرم شالہ کرکٹ اسٹیڈیم میں کھیلا گیا، جس میں بھارت نے نیوزی لینڈ کو 4 وکٹوں سے شکست دیکر ٹورنامنٹ میں مسلسل پانچویں فتح سمیٹ لی۔
بھارت کی طرف سے ویرات کوہلی 95 رنز کے ساتھ ٹاپ اسکورر رہے تاہم اسکے باوجود سوشل میڈیا پر بھارتی کرکٹ شائقین کی جانب سے تنقید کی جارہی ہے، نیوزی لینڈ کا 274 رنز کا ہدف بھارت نے 48 ویں اوور میں 6 وکٹوں کے نقصان پر حاصل کرلیا تھا۔
This is the Karma lesson to all the selfish players out there who plays for their personal milestones.
Cricket is not made for selfish people. pic.twitter.com/7qzsboWdnr
— (@ImHydro45) October 22, 2023
بھارتی شائقین کی جانب سے کوہلی پر اپنی سنچری کیلئے خود غرضی دکھانے کا الزام عائد کیا جارہا ہے، سوشل میڈیا پر ویرات کوہلی کیلئے سیلفش کا لفظ ٹرینڈ کرنے لگا۔
واضح رہے کہ 42 ویں اوور میں جب بھارت کا مجموعی اسکور 239 رنز تھا اور بھارت فتح سے صرف 35 رنز اور ویرات کوہلی 75 رنز کے ساتھ سنچری سے 25 رنز کی دوری پر تھے۔
اس دوران 27 رنز کے ساتھ کوہلی کا ساتھ دینے والے جڈیجا نے آؤٹ سائیڈ لیگ پر شاٹ کھیلا جس پر با آسانی دو رنز حاصل ہوسکتے تھے، تاہم کوہلی نے صرف ایک رن حاصل کیا۔
اسٹیڈیم میں موجود شائقین نے بھی ویرات کوہلی کی اس حرکت پر حیرانی اور غصے کا اظہار کیا۔
اتنی کوششیں کرنے کے باوجود ویرات کوہلی اپنی سنچری مکمل نہ کرسکے اور 95رنز بنا کر آؤٹ ہوگئے،اس کے بعد سوشل میڈیا پر بھارتی شائقین کرکٹ کی جانب سے کوہلی پر تنقید کا سلسلہ جاری ہے۔
