لاہور : واہگہ بارڈر پاکستان زندہ باد کے نعروں سے گونج اٹھا ، سخت گرمی کےموسم میں بھی 10,000 سےزائد لوگ پریڈ وینیو میں موجود تھے۔
تفصیلات کے مطابق حسبِ روایت عوام کاجم غفیر واہگہ پریڈ دیکھنےاُمڈ آیا اور واہگہ بارڈر پاکستان زندہ باد سےگونج اٹھا۔
عوام کا جوش و جذبہ دیدنی تھا، بچے، خواتین، بزرگ سب پنجاب رینجرز کے جوانوں کا حوصلہ بڑھاتے رہے، سخت گرمی میں بھی دس ہزارسے زائد لوگ پریڈ وینیو میں موجود تھے۔
واہگہ کی پریڈ قومی یکجہتی، ملک سےمحبت اورافواجِ پاکستان سےمحبت اور اعتمادکے رشتے کی عکاس ہے۔
اس موقع پر عوام کا کہنا تھا کہ پاکستان کی سالمیت،اتحادکی خاطر ہمیشہ پاک فوج،پنجاب رینجرزکےشانہ بشانہ ڈٹ کر کھڑےرہیں گے، دنیا کی کوئی طاقت عوام اور پاک افواج کے مابین عقیدت و محبت کے تعلق کو کمزور نہیں کرسکتی۔
عوام کا کہنا تھا کہ واہگہ بارڈرکی پریڈپرعوامی اجتماع پاک فوج سے محبت کا واضح ثبوت ہے۔
