شادی اس تقریب کا نام ہے جس میں خوشیوں کو انجوائے کیا جاتا ہے اور لوگ اپنی ناراضگیاں بھول کر ایک دوسرے کی خوشی میں شریک ہوتے ہیں۔
تاہم بعض اوقات کچھ باتیں مزاج کے مطابق نہیں ہوتیں اور آپسی تناؤ زیادہ بڑھ سکتا ہے، جس کی وجہ سے خوشی کی اس تقریب کا رنگ پھیکا پڑسکتا ہے۔
کچھ ایسا ہی ایک شادی کی تقریب میں ہوا جس کی ویڈیو سوشل میڈیا پر وائرل ہورہی ہے، مذکورہ ویڈیو کسی افریقی ملک کی ہے جس میں دلہا نے غصے میں آکر ایک مہمان کو لات دے ماری۔
یہ سارا منظر موبائل ففون کے کیمرے میں قید ہو گیا اور بعد ازاں سوشل میڈیا پر تیزی سے وائرل ہوگیا، صارفین نے اس ویڈیو پر اپنے شدید کے ردعمل کا اظہار کیا ہے۔
اس ویڈیو کو انسٹا گرام ایپ پر شیئر کیا گیا جس کے کیپشن میں لکھا کہ "افریقی شادی! وہ پاگل کیوں ہے؟
View this post on Instagram
وائرل ہونے والی ویڈیو میں دیکھا جاسکتا ہے کہ دولہا اور دلہن کی جانب جارہے ہیں کہ اس دوران ایک مہمان کھڑا ہوتا ہے اور دولہا کے سر پر ایک نوٹ رکھ دیتا ہے، دوسری طرف دولہا جس کا موڈ کسی بات پر پہلے ہی خراب لگ رہا ہے وہ چڑچڑاتے ہوئے مہمان کا ہاتھ جھٹک دیتا ہے۔
اس دوران نوٹ زمین پر گرجاتا ہے تاہم جس مہمان نے نوٹ لگایا تھا وہ اسے اٹھا کر دوبارہ دولہا کے ماتھے پر چسپاں کرنے کی کوشش کرتا ہے لیکن اس بار غصے میں دولہا مہمان کو لات ماردیتا ہے جس کے نتیجے میں لڑائی شروع ہوجاتی ہے۔
ویڈیو پر تبصرہ کرتے ہوئے کچھ صارفین نے دعویٰ کیا کہ دولہا پہلے سے ہی کسی بات پر ناراض تھا جب کہ کچھ لوگوں نے دعویٰ کیا کہ یہ ان کا ایک ثقافتی رواج تھا۔
اس کے پوسٹ ہونے کے بعد سے اب تک ویڈیو کو 3 ملین سے زیادہ ویوز 40.7ہزار لائکس، اور واقعے کے بارے میں بے شمار تبصرے موصول ہوچکے ہیں۔