رات کو گہری نیند لینے کے بعد بھی کچھ لوگوں کو دن بھر نیند آتی رہتی ہے جبکہ کچھ لوگ دل بھر کے آرام کرنے کے بعد بھی ہر وقت تھکن محسوس کرتے ہیں۔
اگر آپ بھی ان لوگوں میں سے ایک ہیں تو آپ کو اپنی صحت پر توجہ دینے کی ضرورت ہے، کیونکہ بہت زیادہ نیند آنا یا بہت زیادہ تھکن ہونا گرتی صحت کی نشانی ہے۔
ہائپر سومنیا کیا ہے؟
ہائپر سومنیا کا مطلب ہے دن میں ضرورت سے زیادہ نیند آنا، ہائپر سومنیا کے شکار افراد کسی بھی وقت سو سکتے ہیں۔
دن بھر نیند آتے رہنے کی ایک وجہ رات بھر جاگنا بھی ہے، جب جسم سے زیادہ دماغ تھک جائے تب بھی بہت زیادہ نیند آتی ہے۔ یہ مسئلہ اس وقت بھی ہوسکتا ہے اگر آپ دن کا زیادہ حصہ بیٹھ کر گزارتے ہیں۔
زیادہ نیند کا آنا کئی مسائل کی وجہ بھی بن سکتا ہے، ان میں ریسٹ لیس لیگ، گردوں کا مسئلہ یا تھائیرائڈ کا مسئلہ بھی شامل ہے۔
زیادہ نیند آنے کی وجوہات میں غیر معیاری اور غیر متوازن غذاؤں کے ساتھ ساتھ سونے کا وقت مقرر نہ ہونا بھی ہے۔
