چین کے صوبے جیانگ میں پائی جانے والی سبز چائے ایک قسم سفید چائے بھی ہے جسے انگریزی میں (وائٹ پوئنی ٹی) بھی کہتے ہیں۔
سفید چائے اینٹی آکسیڈنٹس سے بھرپور ہونے سے لے کر دل کی صحت اور جسمانی وزن کو کنٹرول کرنے تک بہت سے حیرت انگیز فوائد رکھتی ہے۔
سفید چائے، چائے کی دیگر اقسام میں سے ایک ہے جو عام طور پر چائے کے پودے کیمیلیا سینینسس کے ہلکے پروسس شدہ پتوں سے بنتی ہے۔
سفید چائے کی تعریف کے بارے میں مختلف آراء ہیں، بعض لوگوں کا خیال ہے کہ یہ اضافی پروسیسنگ کے بغیر صرف خشک چائے ہے جب کہ دوسرے اسے کچی کلیوں اور چائے کی پتیوں سے بنی چائے کے طور پر دیکھتے ہیں جو کلیوں کے مکمل کھلنے سے کچھ دیر پہلے چنی جاتی ہے اور قدرتی طور پر دھوپ میں خشک ہونے کے لیے چھوڑ دی جاتی ہے۔
سفید چائے کا نام چائے کی کلیوں اور بہت چھوٹی پتیوں پر بھی لاگو ہو سکتا ہے جنہیں خشک ہونے سے پہلے بھاپ پر گرم کیا گیا ہو۔
تمام تعریفوں کے درمیان مشترکہ ربط یہ ہے کہ سفید چائے کو آکسائڈائز نہیں کیا جاتا ہے، جس کے نتیجے میں اس کا ایک الگ ذائقہ ہوتا ہے جو روایتی سبز، سرخ یا کالی چائے کی زیادہ تر اقسام سے ہلکا ہوتا ہے۔
ٹائمز آف انڈیا کے مطابق سفید چائے بہت سے صحت کے فوائد پیش کرتی ہے، جس میں اینٹی آکسیڈنٹس سے بھرپور ہونے سے لے کر دل کی صحت اور جسمانی وزن کو کنٹرول کرنے تک شامل ہیں۔
سفید چائے پینے سے قوت مدافعت کی مضبوطی، دل کی صحت، بلڈ پریشر کنٹرول، جلد کی تروتازگی، سوزش کے اثرات اور تناؤ کی کیفیت میں بھی فائدہ مند ہے۔
