کراچی: خصوصی سرمایہ کاری سہولت کونسل (ایس آئی ایف سی) نے ملک میں ایوی ایشن کی جانب سے جاری وائٹ پیپر کا نوٹس لے لیا۔
تفصیلات کے مطابق ایس آئی ایف سی کے جوائنٹ سیکریٹری عطا عمر خلیل نے ایئر کرافٹ اونرز آپریٹرز ایسوسی ایشن سے رابطہ کیا ہے، ذرائع کا کہنا ہے کہ ایس آئی ایف سی کی جانب سے ایوی ایشن انڈسٹری کی تباہی کے ذمہ داروں پر جاری وائٹ پیپر پر ایکشن لینے کی یقین دہانی کرائی گئی۔
ذرائع کے مطابق جاری ہونے والے وائٹ پیپر پر وزارت ہوا بازی سے جواب طلب کیا جائے گا، ایس آئی ایف سی نے کہا ہے کہ ایوی ایشن صنعت کی تباہی کے ذمہ داروں کے خلاف تحقیقات کر کے رپورٹ وزیر اعظم کو دی جائے گی۔
ملک میں ایوی ایشن صنعت کی تباہی کا ذمہ دار کون؟ وائٹ پیپر جاری
ذرائع کا کہنا ہے کہ ایس آئی ایف سی حکام اور ایئر کرافٹ اونرز اینڈ آپریٹرز ایسوسی ایشن کے درمیان یہ پہلا باضابطہ رابطہ ہے، ایس آئی ایف سی ملک میں معاشی استحکام کے لیے سب سے بڑا فورم ہے، جس میں وزیر اعظم اور آرمی چیف شامل ہیں۔
