ویسے تو آپ نے کئی مصوروں کو اپنا فن دکھانے کیلئے کینوس پر رنگ بکھیرتے دیکھا ہوگا لیکن محمد علی حسن ایک ایسا مصور ہے جو لوہے کے تاروں سے ایسے فن پارے تخلیق کرتا ہے جسے دیکھنے والے دنگ رہ جاتے ہیں۔
لوہے کے تاروں کی مدد سے دلکش پورٹریٹ تیار کرنے والے اسلام آباد کے نوجوان اور یونیک آرٹسٹ نے مصوری کا نیا اور انوکھا انداز متعارف کرا دیا۔
اے آر وائی نیوز کے پروگرام باخبر سویرا میں محمد علی حسن نے اپنے اس انوکھے اور نئے فن کے بارے میں ناظرین کو بتایا۔
انہوں نے کہا کہ مجھے وائر کے علاوہ آئل پینٹنگز کا بچپن سے شوق تھا، سب سے پہلے مجھے میرے ایک دوست نے وائر کا تحفہ دیا تھا جس سے میں نے پہلی بار ایک درخت بنایا تھا۔
انہوں نے کہا کہ وقت کے ساتھ ساتھ اس میں مزید جدت پیدا کرتا گیا، اپنے ایک انسانی مجسمے کے بارے میں انہوں نے بتایا کہ جب وہ مجسمہ بنا تو لوگوں نے اسے ’’صنف آہن‘‘ کا نام دیا جو مجھے بھی بہت پسند آیا۔
محمد علی حسن کا کہنا تھا کہ اس مجسمے کو بنانے میں 5 ماہ وقت لگ گیا کافی محنت طلب کام تھا اس لیے ہاتھ زخمی بھی ہوئے بلکہ آرام کرنے کا بھی ٹائم نہیں ملتا تھا۔
