دنیا بھر میں ہونے والی شادیوں میں فوٹوگرافر کی خدمات لازمی حاصل کی جاتی ہیں تاکہ خوشی کے لمحات کو تصاویر کی شکل میں محفوظ کیا جا سکے۔
افریقہ سے تعلق رکھنے والی ایک خاتون نے اپنی شادی کے 4 سال بعد اُس فوٹوگرافر سے رابطہ کیا جس نے شادی میں تصاویر بنائی تھیں۔
خاتون نے اس سے انوکھا مطالبہ کیا کہ میری اب طلاق ہو چکی ہے لہٰذا فوٹوگرافری کیلیے دی گئی رقم مجھے واپس کی جائے۔
پہلے تو فوٹوگرافر کو محسوس ہوا کہ خاتون مذاق کر رہی ہیں لیکن بار بار مطالبہ کرنے پر وہ سمجھ گیا کہ معاملہ سنگین ہے۔
اس نے مطالبہ مسترد کرتے ہوئے خاتون کے ساتھ واٹس ایپ پر ہونے والی گفتگو کے اسکرین شارٹس ٹوئٹر پر پوسٹ کر دیے جنہیں دیکھ کر ہر کوئی حیران رہ گیا۔
واٹس ایپ پر ہونے والی گفتگو میں خاتون کا کہنا تھا کہ ’مجھے نہیں لگتا کہ تم مجھے جانتے ہو گے۔ تم نے 2019 میں میری شادی پر فوٹوگرافری کی تھی۔‘
خاتون کہتی ہیں کہ ’تم نے زبردست تصاویر بنائی تھیں لیکن اب وہ میرے کسی کام کی نہیں۔ میری طلاق ہو چکی ہے لہٰذا تم مجھے رقم واپس کر دو۔‘
اے آر وائی نیوز کی ڈیجیٹل ڈیسک کی جانب سے شائع کی گئی خبریں