ماں کسی بھی روپ میں ہو ماں ہی ہوتی ہے، چاہے وہ انسان ہو یا جانور اپنے بچوں کی حفاظت اور سلامتی کیلئے اپنی زندگی کو بھی داو پر لگا دیتی ہے۔
سوشل میڈیا پر ایک مادہ ہد ہد کی درد ناک ویڈیو وائرل ہورہی ہے جس میں وہ ایک خطرناک سانپ سے لڑ پڑتی ہے، سانپ انڈے کھانے کیلئے اس کے گھونسلے میں آجاتا ہے۔
ہُد ہُد جسے انگریزی میں وڈی ووڈ پیکر بھی کہا جاتا ہے یہ خوبصورت اور رنگ برنگی پرندہ اپنی نوکیلی اور طاقتور چونچ کی مدد سے مضبوط درختوں کے تنوں میں اپنا گھونسلا بناتا ہے۔
اس ویڈیو کو حال ہی میں انسٹاگرام پر پیج پر پلانیٹ وزٹ کی جانب سے پوسٹ کیا گیا ہے جس کی سرخی میں لکھا گیا ہے ‘سانپ بمقابلہ ہد ہد ‘ یہ ویڈیو ہزاروں ویوز اور لائکس کے ساتھ وائرل ہوچکی ہے۔
ویڈیو میں دکھایا گیا ہے کہ شدید غصے کی حالت میں ایک مادہ ہد ہد گھونسلے سے انڈے چوری کرنے والے سانپ کے ساتھ دلیری سے لڑ رہی ہے۔
سبز رنگ کا زہریلا سانپ بھی غصے میں ہد ہد پر حملہ کرتا ہے جو اس سے لڑنے اور اسے اپنے گھونسلے سے نکالنے کے لیے اپنی چونچ سے چونچ سے بار بار حملے کررہی تھی۔
دراصل مذکورہ ویڈیو کلپ ڈسکوری چینل ساؤتھ ایسٹ ایشیا کے ذریعے سال 2016 میں یوٹیوب پر شیئر کیا گیا تھا جو مادہ ہد ہد کی اپنی نسل کی حفاظت کے لیے اس کی جبلت کو ظاہر کرتی ہے۔
ویڈیو کے آخر میں ایک دل دہلا دینے والا منظر بھی آتا ہے جب سانپ اسے اچانک اپنے منہ میں پکڑ لیتا ہے، اب اس سے آگے جاننے کیلئے ویڈیو دیکھیں اور کمنٹس میں اپنے خیالات کا اظہار کریں۔
