جوز بٹلر نے ورلڈ کپ 2023 کے بعد ریٹائرمنٹ کے منصوبے کے حوالے سے بتادیا، وکٹر کیپر بیٹر کا کہنا ہے کہ اب بھی ایسے کئی شعبے ہیں جن میں اپنی صلاحیتوں کو نکھارنا چاہتا ہوں۔
جوز بٹلر نے 2011 میں بھارت کے خلاف ٹی ٹوئنٹی ڈیبیو سے اپنے انٹرنیشنل کرکٹ کا آغاز کیا تھا۔ تاہم 12 سال گزر جانے کے بعد وہ موجودہ دور کے عظیم ترین وکٹ کیپر بیڑز میں شمار ہوتے ہیں جبکہ اس ورلڈ کپ میں وہ انگلینڈ کرکٹ ٹیم کی کپتانی کے فرائض بھی انجام دے رہے ہیں۔
بٹلر اس انگلش ٹیم کا حصہ تھے جس نے 2019 میں اپنی سرزمین پر پہلے بار کرکٹ کا عالمی کپ جیتنے کا اعزاز حاصل کیا تھا۔ انھوں نے سپر اوور میں مارٹن گپٹل کو رن آئوٹ کیا تھا جسے سبب میچ ٹائی ہونے کے بعد ٹرافی اٹھانے کا اعزاز انگلینڈ کو ملا تھا۔
بھارت کے خلاف پہلے ورام اپ میچ سے قبل گفتگو کرتے ہوئے بٹلر نے اپنی ریٹائرمنٹ کے منصوبے کے حوالے سے بھی اظہار خیال کیا۔
انھوں نے کہا کہ میں انگلینڈ کے لیے مزید کچھ سالوں تک کھیلنا چاہتا ہوں باوجود اس کے میں کچھ دنوں پہلے ہی 33 سال کا ہوا ہوں۔ میں اپنی بڑھتی عمر کو اتنا زیادہ محسوس نہیں کرتا۔ اپنے ملک کی نمائندگی کرنا بہت اعزاز کی بات ہوتی ہے۔
انگلینڈ کی ون ٹیم کے کپتان نے کہا کہ اب بھی ایسے شعبے ہیں جن میں اپنی صلاحیتوں کو بڑھانا چاہتا ہوں اور بطور کھلاڑی ترقی کرنا چاہتا ہوں، یہ چیزیں آپ کی حوصلہ افزائی کا ایک مثبت ذریعہ ہیں۔
