لاہور: پی سی بی مینجمنٹ کمیٹی کے چیئرمین ذکا اشرف نے فخر زمان کے لیے انعام کا اعلان کردیا۔
بنگلورو کے چناسوامی اسٹیڈیم میں کھیلے گئے میچ میں نیوزی لینڈ کے خلاف پاکستان کو فاتح قرار دے دیا گیا، فخر زمان کی جارحانہ اننگز نے پاکستان کو شاندار کامیابی دلوائی، پاکستان ڈی ایل ایس میتھڈ کے تحت کیویز کو 21 رنز سے شکست دی۔
پاکستان نے 25.3 اوورز میں ایک وکٹ کے نقصان پر 200 رنز بنائے اور جیت کے لیے 94 گیندوں پر 142 رنز درکار تھے لیکن بارش شروع ہونے پر میچ روک دیا گیا تھا۔
فخر زمان 126 اور بابر اعظم 66 رنز کے ساتھ کریز پر موجود تھے۔ فخر زمان کی جارحانہ اننگز میں 11 چھکے اور 8 چوکے شامل تھے۔
نیوزی لیںڈ کی جانب سے واحد وکٹ ٹم ساؤتھی نے حاصل کی۔
فخر زمان کی شاندار اننگز کی سابق و موجودہ کرکٹرز، شائقین کرکٹ کی جانب سے تعریف کی جارہی ہے۔
پی سی بی مینجمنٹ کمیٹی کے چیئرمین ذکا اشرف نے فخر زمان سے ٹیلیفونک گفتگو کی اور ان کی 126 رنز کی ناقابل شکست اننگز کو سراہا۔
ذکا اشرف نے فخر زمان کی شاندار کارکردگی پر ان کے لیے دس لاکھ روپے انعام کا اعلان کیا۔
انہوں نے کہا کہ مجھے امید ہے کہ آپ آئندہ میچوں میں بھی اچھی کارکردگی کا مظاہرہ کریں گے۔
پی سی بی مینجمنٹ کمیٹی کے چیئرمین ذکا اشرف کی فخر زمان سے ٹیلیفون پر گفتگو
ذکا اشرف نے فخر زمان کی آج کی126 رنز کی ناقابل شکست اننگز کو سراہا
ذکا اشرف نے آج کی شاندار پرفارمنس پر فخر زمان کے لیے دس لاکھ روپے انعام کا اعلان کیا
انہوں نے کہا مجھے امید ہے کے آپ آئندہ میچوں میں…
— PCB Media (@TheRealPCBMedia) November 4, 2023
